СИА хаартыската.
Дьокуускайга “Байыаннай чаас” (“Звезднай” микро-оройуон) кыбартаалга элбэх кыбартыыралаах дьиэлэри тутуу салҕанар. Быйыл саас саҥа кыбартыыра күлүүһүн саахалланар кутталлаах дьиэлэргэ олорор 500-чэ ыал ылыаҕа.
Билигин А сектор биэс дьиэтин тутуу түмүктэнэр. Бу дьиэлэр саахалланар кутталлаах уонна хаарбах дьиэлэртэн көһөрүү бырагырааматыгар түбэһээччилэргэ ананаллар.
Ил Дархан Айсен Николаев СӨ Судаарыстыбаннай мунньаҕар Туһаайыытыгар бэлиэтээбитинэн, киин куоракка федеральнай инфраструктурнай кирэдьиити туһанан, Дьокуускай куорат соҕуруу эҥээрэ сайдар. “Звезднай” микроройуоҥҥа 26 тыһыынча квадратнай миэтэрэлээх бастакы дьиэлэр үлэҕэ киллэриллиэхтэрэ. 600 киһи сылдьар поликлиникатын, 315 миэстэлээх оҕо уһуйаанын, 1100 миэстэлээх оскуоланы уонна успуорт саалалаах сабыылаах котуогу тутуу саҕаланыаҕа.
Манна кэммиэрчэскэй олорор дьиэлэр эмиэ бааллар. Биир секторга 10 дьиэ тутулла турар, сыбаайаны түһэрии үлэлэрэ ыытыллаллар. Саҥа оройуоҥҥа олорор дьиэни атыылаһарга “Уһук Илиҥҥи ипотека”, “Чэпчэтиилээх ипотека”, “Дьиэ кэргэн” ипотеката бырагыраамаларга чэпчэтиилээх кирэдьиитинэн туһаныахха сөп.
Былаан быһыытынан, “Звезднай” оройуоҥҥа 11 тыһыынча курдук киһи олоруоҕа.
Ахсынньы 29 күнүгэр Хаандыга бөһүөлэгэр Томпотооҕу "Светлячок" социальнай реабилитационнай киин оҕолоругар Ил Түмэн дьокутаата Виктор…
Бүгүн сарсыарда "Бүлүү" федеральнай суол 764-с килэмиэтиригэр дьон эчэйиилээх массыына саахала буолла диэн СӨ Быыһыыр…
Соторутааҕыта Ил Дархан Айсен Николаев Кириэмил дыбарыаһыгар “Баҕа санаа харыйата” тэрээһиҥҥэ кыттыыны ылбыта. Бу туһунан…
Саха сиригэр ааспыт сууккаҕа түөрт буруйу оҥоруу буолбутун туһунан СӨ Борокуратуурата иһитиннэрэр. Амма улууһун Өнньүөс…
Таксыы, ОДьКХ төлөбүрдэрин, маркетплейстэртэн табаар сакаастааһыны куттала суох хайдах төлүүбүт? Баан каартатын дааннайдарын түөкүттэр туһамматтарын…
Саҥа сылбыт бу тиийэн кэллэ. Сорохтор “Саҥа дьылбыт” диэхтэрэ. Ол эрээри, тохсунньу 1 күнүттэн саҕаланар…