5000 м. сүүрүүгэ кимнээх кыайдылар?

Таатта улууһугар Ытык Күөлгэ «Манчаары оонньууларын» күрэхтэһиилэрэ уоттаахтык-күөстээхтик салҕаналлар.

Бүгүн сүүрэр дьоҥҥо халлаан арыый сөрүүкээн биэрбитэ, биир өттүнэн эмиэ да үчүгэй курдук.

Бэтэрээн-күрэсчиттэргэ бастакы күҥҥэ күрэхтэһиигэр 5000 м. дьахталларга кыайыыны ситистэ Өлүөхүмэттэн кытта кэлбит Саргылана Лугинова. Эр дьоҥҥо бэтэрээннэргэ күрэсчит Роман Щетников (Нерюнгри) биэтэккэ бастакынан тахсан үөрүүтэ улахан. Бэрт кылгастык: «Манчаары оонньууларыгар» сыаллаах-соруктаах бэлэмнэммитим», — диэтэ. Элбэх эрчиллии, сыра түмүгэр кыайыыны ситиспитин эттэ.

Сарсын 100 м кыргыттар, уолаттар, эр дьоннор, дьахталлар күрэхтэһиэхтэрэ. Ону сэргэ, 5000 м. дьахталлар, эр дьоннор сүүрүүлэрэ буолуоҕа.