сахагов
Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников дойду Бэрэсидьиэнэ Владимир Путин көҕүлээбит “Олох инфраструктурата” национальнай бырайыагын “Куорат тупсаҕай эйгэтин тэрийии” федеральнай бырайыагын олоххо киллэриигэ мунньах ыытта.
2025 сылга өрөспүүбүлүкэҕэ 51 эбийиэги тупсаҕай оҥоруохтара: 41 уопсастыбаннай сири-уоту – федеральнай субсидиянан уонна 10 бырайыагы – дьоҕус куораттарга уонна историческай поселениеларга тупсаҕай эйгэ бастыҥ бырайыагар Бүтүн Арассыыйа куонкуруһугар кыайыылаахтары. Үбүлээһин уопсай кээмэйэ 654,5 мөл солк., итинтэн 583,6 мөл солкуобайа – федеральнай бүддьүөттэн, 5,9 мөл солкуобайа – судаарыстыбаннай бүддьүөттэн, 65 мөл солк. – олохтоох бүддьүөттэн.
Бастакы эбийиэктэри түмүктээтилэр. Орто Халымаҕа тупсаҕай былаһаакканы арыйбыттара. Ааспыт нэдиэлэҕэ Бүлүүгэ “Поющие пески” диэн Бүтүн Арассыыйатааҕы куонкуруска муҥутуур баалы ылбыт кытылы арыйбыттара. Үөһээ Бүлүү улууһун хас да нэһилиэгэр уонна Кыһыл Сыырга эмиэ.
“Бырайыактары олоххо киллэрии күн-дьыл туругуттан уонна бэдэрээтчиттэртэн тутулуктаах. “Олох инфраструктурата” национальнай бырайыак эбийиэктэрин барытын оҥоруохтаахпыт. Онон муниципалитетары, бэдэрээтчит тэрилтэлэри уонна поставщиктары кытта ыкса үлэлиибит”, — диэтэ Дмитрий Садовников.
Бүтүн Арассыыйатааҕы куонкуруска кыайбыт эбийиэктэргэ болҕомто ууруллар. Олор истэригэр – “Култуура паарката” (Нерюнгри).
“Куорат тупсаҕай эйгэтин тэрийии” бырайыак Саха сиригэр 2019 сылтан үлэлиир. Бу кэм устата 101 уопсастыбаннай эйгэни тупсардылар. Ол иһигэр, Сайсары күөл кытылын, Ытык Күөлгэ паарканы уонна кытылы уо.д.а.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Сиһилии: https://www.sakha.gov.ru/news/11922
Бу күннэргэ Арассыыйа Наукаларын академиятын Сибиирдээҕи салаатын Гуманитарнай чинчийиилэр уонна хотугу норуоттар кыһалҕаларын института тэриллибитэ…
“Уһук Илиҥҥи тиэргэннэри тупсаҕай оҥоруу” федеральнай бырайыагынан Саха сиригэр 17 тиэргэни тупсарыахтара. Ол курдук, бу…
Саха сиринээҕи Саахал мэдиссиинэтин киинин үлэһиттэрэ «Путь воина» күрэхтэһиигэ көмөнү оҥорорго бэлэмнэр. Саахал мэдиссиинэтин киинин…
Арассыыйаҕа 2026 сылтан биэнсийэни индексациялааһын икки түһүмэҕинэн барар буолуоҕа. Бу туһунан Социальнай пуонда бэрэссэдээтэлэ Сергей…
Бэҕэһээ «Путь воина» күрэхтэһии бастакы түһүмэҕэр Саха сирин «Боотур» хамаандата уонна Хабаровскай «Амурские воины» хамаанданы…
Бүгүн Дьокуускайга Курашов уулуссатыгар баһаар буолла, дьон эмсэҕэлээбэтэ диэн СӨ Доруобуйа харыстабылыгар министиэристибэтигэр иһитиннэрдилэр. "Баһаарга…