51 саастаах эр киһи киһини өлөрө сатаабыт дьыалата суут көрүүтүгэр ыытылынна

Саха сиринээҕи Силиэстийэлиир кэмитиэтин Дьокуускай куорат силиэстийэлиир отдела 51 саастаах эр киһи киһини өлөрө сатаабыт дьыалатын силиэстийэтэ түмүктэннэ, диэн Саха сиринээҕи Силиэстийэлиир кэмитиэтин пресс-сулууспата иһитиннэрэр.

Силиэстийэ быһаарбытынан, 2016 сыл атырдьах ыйыгар Дьокуускай куорат Богдан Чижик аатынан уулуссаҕа олорор дьиэ кыбартыыратыгар буруйданааччы уонна кини билэр киһитин икки ардыларыгар хаарты иэһиттэн иирсээн тахсыбыт. Түмүгэр буруйданааччы эмсэҕэлээччини  хас да төгүл быһаҕынан анньыбыт. Ол эрээри хара санаалаах киһини өлөрө сатаабыт дьыалатын тиһэҕэр тиэрдибэтэх.

Кэлин буруйданааччы дойду атын эрэгийиэнигэр куоппут уонна өр кэм устата саһа сылдьыбыт. Саха сирин ИДЬМ үлэһиттэрэ суһал-көрдүүр дьаһалларынан буруйданааччы олорор сирин быһаарбыттар уонна туппуттар. Холуобунай дьыала силиэстийэтэ бүтэн, борокуруор этиитинэн суут көрүүтүгэр ыытылынна.