52 саастаах эр киһи дьиэни халаан, иһит, ньуоска уорбут

Дьокуускайдааҕы полиция 1-кы отделын дьуһуурунай чааһыгар олохтоох дьахтар чааһынай дьиэтин халаабыттарын туһунан иһитиннэрбит. Хоромньу 15 тыһ.солк. тэҥнэспитин туһунан СӨ ИДьМ пресс-сулууспата суруйар.

Баайга-дуолга сыһыаннаах буруйу арыйыыга отдел үлэһиттэрэ Кэбээйиттэн төрүттээх 52 саастаах киһи уорбаланарын быһаарбыттар.

Барыллаан быһаарбыттарынан, уорбаланааччы киэһэ тимир турбанан күлүүһү алдьатан, чааһынай дьиэҕэ киирбит. Онтон алюминиевай иһиттэри, ньуоскалары, биилкэлэри ылбыт. Ону металлолом пуунугар туттаран, харчытынан арыгы, бородуукта атыыласпыт.

Уоруунан холуобунай дьыала тэрилиннэ.