Хаартыска sakha.gov.ru ылылынна
Саха сиригэр 539 устудьуон үрдэтиллибит истипиэндьийэни ылар.
СӨ Ил Дарханын Айсен Николаев «О мерах поддержки участников специальной военной операции и членов их семей в период проведения специальной военной операции» Ыйааҕар сөп түбэһиннэрэн, СӨ Үөрэх уонна наука министиэристибэтэ байыаннай дьайыы кыттыылаахтарыгар уонна кинилэр дьиэ кэргэттэригэр социальнай өйөбүлү оҥорууга үлэтэ салҕанар. Санатан эттэххэ, 2023 сыл сэтинньи 1 күнүттэн үөрэх эйгэтигэр 11 социальнай өйөбүл оҥоһуллар.
Ол курдук, оскуолаларга сылаас аһылыгынан хааччыйыы уонна оҕо саадтарыгар төрөппүттэр төлөбүртэн босхоломмуттара.
-2024 сыл тохсунньу 24 күнүнээҕи туругунан, 1571 дьиэ кэргэн, төрөппүттэр (сокуоннай бэрэстэбиитэллэр) оҕо саадыгар көрүү-истии иһин төлөбүртэн босхолонуу быраабынан туһаммыттар. Устудьуон күнүн иннинэ, үрдүк уонна орто анал үөрэхтэргэ күнүс үөрэнэр (очнай) устудьуоннарга үрдэтиллибит истипиэндьийэни олохтооһун буолар, — диэн иһитиннэрэр СӨ Үөрэх уонна наука миниистирэ Нюргуна Соколова.
Маны таһынан, 28 оҕо бастакынан оскуолаларга продленнай бөлөхтөргө ылыллыбыттар уонна 28 дьиэ кэргэн төлөбүртэн босхоломмут. Сүрүн үөрэх кэнниттэн бу бөлөххө сылдьар оҕолорго эбии үөрэх ыытыллар, сиэксийэлэргэ, куруһуоктарга сылдьаллар, дьиэтээҕи үлэлэрин уһуйааччы көмөтүнэн толоруохтарын сөп.
Санатан эттэххэ, байыастар оҕолоро эбии үөрэхтээһин бырагырааматынан оскуолаларга куруһуоктарга уонна сиэксийэлэргэ босхо сылдьыахтарын сөп.
Сиһилии https://www.sakha.gov.ru/news/front/view/id/3384930 киириэн көрүөххэ сөп.
СӨ Ил Дарханын уонна Бырабыыталыстыбатын пресс-сулууспата
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…