54 саастаах киһи ааһан иһэн үрүсээк уорбут

СӨ ИДьМ полиция Дьокуускайдааҕы 2-с отделын дьуһуурунай чааһыгар эр киһи үрүсээгин уордарбытын, ол иһигэр үс суотабай төлөпүөннээҕин туһунан иһитиннэрбит. Бу туһунан СӨ ИДьМ пресс-сулууспата суруйар.

Холуобунай ирдэбил үлэһиттэрэ Горнай улууһуттан сылдьар 54 саастаах киһи уорбаланарын быһаарбыттар.

Эмсэҕэлээччи куруусчутунан үлэлиир эбит. Миэбэл таһа сылдьан, массыына аттыгар үрүсээгин хаалларбыт. Ону ааһан иһэр киһи бэлиэтии көрөн, уоран ылбыт уонна куоппут.

Уоруунан холуобунай дьыала тэрилиннэ.