544 тыһыынча киһи «Госуслуги» нөҥүө бырааска суруйтарда

Сыл саҕаланыаҕыттан, Саха сирин олохтоохторо «Госуслуги» портал нөҥүө 544 тыһыынча төгүл бырааска суруйтардылар, маны тэҥэ, 9 тыһыынча төгүл бырааһы дьиэҕэ ыҥырдылар. Бу туһунан Доруобуйа харыстабылын министиэристибэтэ иһитиннэрэр.

«Уһун уонна көхтөөх олох» национальнай бырайыак чэрчитинэн, доруобуйа харыстабылын эйгэтигэр информационнай технологиялар киирэн иһэллэр. Онон дьон сыыппара сервиһин хото туһанар буолла. Бүгүҥҥү күҥҥэ «Госуслуги» порталга регистрацияламмыт киһиэхэ «Мин доруобуйам» диэн тус кэбиниэтэ аһыллар», — диэн министиэристибэ үлэһиттэрэ этэллэр.

Бырааска суруйтарыы, дьиэҕэ ыҥырыы, быһыыны ыларга, диспансеризацияҕа суруйтарыы, поликлиникаҕа сыһыартарыы, ыспыраапкалары, больничнай илииһи, о.д.а. докумуоннары ылыы — бу барыта электроннай көрүҥүнэн оҥоһуллар, дьоҥҥо табыгастаах буолар.

«Сыыппара сервистэрэ — бу биһиэхэ, миэдиктэргэ уонна пациеннарга көмөлөһөр дьиҥнээх үнүстүрүмүөн буолар. Аныгы кэмҥэ дьон мэдиссиинэ көмөтүн улахан сыраны уурбакка, түргэнник ыларга дьулуһар кэмнэригэр ордук табыгастаах», — диэн доруобуйа харыстабылын миниистирэ Лена Афанасьева этэр.

Сиһилии: https://www.sakha.gov.ru/news/15046