550-тан тахса киһи байыаннай сулууспалаах эмтэнэр сиригэр барарыгар материальнай көмөнү ылла

Өрөспүүбүлүкэҕэ 555 киһиэхэ байыаннай сулууспалаах эмтэнэр сиригэр барарыгар материальнай көмө оҥоһулунна. Бу туһунан СӨ Бырабыыталыстыбатын Бэрэссэдээтэлин солбуйааччы Георгий Степанов сэтинньи 17 күнүгэр нэдиэлэ аайы ыытыллар брифиҥҥэ иһитиннэрдэ.

Саха сиригэр байыаннай дьайыы кыттааччыларыгар уонна кинилэр дьиэ кэргэттэригэр өйөбүл миэрэлэрин оҥоруу үлэтэ салҕанар. Ол курдук, буойуннар уонна кинилэр чугас дьоно материальнай көмөнү ылаллар эрэ буолбакка, мэдиссиинэ тэрилтэлэригэр реабилитацияны ааһаллар, кинилэргэ үлэҕэ киирэргэ уонна идэҕэ үөрэтэргэ көмөлөһөллөр.

«Байыаннай дьайыы кыттааччыларын 221 дьиэ кэргэнигэр оҕо олорор дьиэтин гаас ситимигэр холбооһуҥҥа материальнай көмө оҥоһулунна. Байыаннай сулууспалаахтар 747 төрөппүттэрэ санаторнай-курортнай эмтэниигэ көмөнү ыллылар. Доруобуйа харыстабылын уонна социальнай сулууспа тэрилтэлэригэр байыаннай дьайыы 1544 кыттааччыта уонна кинилэр дьиэ кэргэттэрин 2887 чилиэнэ реабилитацияны аастылар. 566 киһи дьиэҕэ социальнай өҥөнү оҥоруу уонна полустационарнай көрүҥүнэн социальнай өҥөнү ыллылар. 35 гражданҥа тырааныспары салайыыга идэҕэ бэлэмнээһин бырагыраамаларынан үөрэх төлөбүрүн толуйуу оҥоһулунна», – диэтэ Георгий Степанов. Сиһилии: https://www.sakha.gov.ru/news/15516