Хаартыска: үлэ,социальнай сайдыы минситиэристибэтэ.
Өрөспүүбүлүкэтээҕи инбэлиит оҕолору реабилитациялыыр кииҥҥэ байыаннай дьайыы кыттыылаахтарын 551 дьиэ кэргэттэрин чилиэннэрэ, ол иһигэр 323 оҕо уонна 228 сокуоннай бэрэстэбиитэл социальнай реабилитацияны ааспыттар. Бу туһунан от ыйын 17 күнүгэр ыыппыт брифинигэр киин дириэктэрэ Зинаида Максимова иһитиннэрдэ.
«Биһиэхэ реабилитацияҕа кэлэр туһуттан, олорор сиргитигэр социальнай көмүскэл управлениетыттан квота ылыаххытын наада. Билиҥҥи туругунан, биһиэхэ 16 оҕо, 13 төрөппүт реабилитациялана сылдьаллар. Кииҥҥэ оҕолор кэлим диагностиканы ааһаллар. Доруобуйаларын, уопсай сайдыыларын бэрэбиэркэлиибит. Манна олоҕуран, тус мэдиссиинискэй маршрут оҥоробут», — диэн Зинаида Максимова бэлиэтээтэ.
Кини этэринэн, оҕолорго анаан «Эрэли бэлэхтээ», «Хомойуу олоххо хайдах дьайарый» диэн психологическай трениннэр, бөлөҕүнэн психологическай-педагогическай, социальнай уонна экологическай дьарыктар, социо-культурнай тэрээһиннэр ыытыллыбыттар.
Байыаннай дьайыы бэтэрээнэ Октябрина Афанасьева кииҥҥэ сырытта. Кини байыастар кэргэттэригэр анал дьайыы бэтэрээннэрэ «Якутия – Земля героев» каадыр бырагырааматыгар кыттыыны ылыахтарын сөбүн туһунан кэпсээтэ. Онтон бу күннэргэ «Арыллыы» айар устуудьуйатын салайааччыта Байаана Дагдай кииҥҥэ кэлбит байыастар оҕолоругар ырыаҕа дьарыгы ыытар.
Сиһилии: https://www.sakha.gov.ru/news/8448
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…