6 тыһыынчаттан тахса хат дьахтар төрүүр сэртипикээти ылла

2025 сыл саҕаланыаҕыттан 6 тыһыынчаттан тахса хат дьахтар төрүүр сэртипикээти ылла диэн Социальнай пуонда Саха сирнээҕи салаата иһитиннэрэр.

Төрүүр сэртипикээт диэн тугуй?

Төрүүр сэртипикээт хат эрдэххэ, төрүүргэ уонна оҕоломмут кэннэ хаачыстыбалаах мэдиссиинэ көмөтүн ылар быраап биэрэр. Маны тэҥэ, оҕо 1 сааһыгар диэри миэдиктэр көрөллөрүн-истэллэрин хааччыйар.

Төрүүр сэртипикээтинэн булгуччулаах мэдиссиинэ страховкатын (ОМС) чэрчитинэн үлэлиир мэдиссиинэ тэрилтэлэрин өҥөлөрө эрэ төлөнөллөр.

Төрүүр сэртипикээти оҥорторорго дьахтар консультациятыгар тиийэн пааспары, ОМС полиһын, СНИЛС нүөмэрин илдьэ биэриллэр.

Оттон электроннай төрүүр сэртипикээккэ тус сибидиэнньэлэр «Госуслуги» портал тус кэбиниэтигэр бааллар.

Ыйытыылары 8-800-100-00-01 нүөмэринэн эрийэн, биэриэххитин сөп.