Хаартыска: Марта Николаева тиксэриитэ
СӨ «Оһуокай» түмсүү үтүөлээх этээччитэ, 60-ча сыл устата тохтоло суох кэрэ ырыатынан үөрдэ сылдьар Евгения Кирилловна Игнатьева 75 сааһыгар аналлаах айар киэһэтэ Арчы дьиэтигэр буолла.
Ахсынньы аам даам тымныыта диэбэккэ, Евгения Кирилловна айар киэһэтигэр кини талааныгар сүгүрүйээччилэр будулҕан тымныыттан иҥнибэккэ кэлбиттэр. Киирээккин кытары остуолга итии үүттээх чэй, алаадьы киирбит дьону көрүстүлэр. Евгения Кирилловнаҕа сенатор Сахамин Миланович Афанасьев уонна Ил Түмэн депутата Виктор Губарев Махтал суруктарын туттардылар.
Евгения Кирилловна «Оһуокай» түмсүү иһинэн тэриллибит «Чараҥ» вокальнай ансаамбыл биир сүрүн ырыаһыта ылар. Евгения Кирилловна биһиэхэ хас өрөбүл ахсын иэйиилээх ырыатынан бар дьонун абылыыр. Киһи быһыытынан кэрэ сибэкки курдук үтүө майгылааҕынан биллэр, олоххо тардыһыылаах, ыраас эйгэлээх ийэ, эбэ буолар.
Евгения Кирилловна аатырбыт мелодист Калиста Пахомованы кытары 25 сыл устата ыллаан, республика устун элбэхтик гостуруоллаабыттара.
Бу дьоро айар киэһэтигэр «Далбар» народнай ансаамбыл, «Өрөгөй», «Чараҥ» ансаамбыллара ыллаан-туойан эҕэрдэлээтилэр. Евгения Кирилловна ырыатынан бары дуоһуйдубут, туманнаах тымныы да хаарыйбата.
Күндү Евгения Кирилловна мэлдьи эдэрдии ыллыы-туойа сырыт! Кэрэ куоласкынан бар дьонуҥ махталларынан уһуннук олор!
Марта Николаева
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…
Саха сирэ үчүгэйдик сайдар уонна Бэрэсидьиэн этэринэн, бойобуой киирсии лииньийэтигэр аан да дойдуга суох байыастары…
Суруналыыс омук массыынатын ылыныам диэн биэс сыл харчы мунньуммут. Ол эрээри, массыынаҕа сыана олус үрдээн…
Дойду Бэрэсидьиэнэ Владимир Путин сылы түмүктүүр пресс-кэмпириэнсийэтигэр тыһыынчанан ыйытыы киирэр. Онтон биирдэстэрин мэдиссиинэ университетын 5-с…