60-тан үөһэ саастаахтарга тырааныспары салайар көҥүллэрин кытаатыннарар былааннаахтар

Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр.

Бу туһунан  2030 сылга диэри суолга куттал суох буолуутун үрдэтии стратегиятын бырайыага туоһулуур.

«Бу этиллибит чахчылар аҕа саастаах көлүөнэ дьонун суолга куттала суохтук ыыталларыгар  үөрэтэри,  бастатан туран суоппар быһыытынан, быһаарар ньымалары тупсарары, ону таһынан сөптөөх инфраструктураны уонна тырааныспар сириэстибэлэрин оҥоһуутун сайыннарары ирдииллэр», — диэн докумуоҥҥа этиллэр.

Докумуоҥҥа ыйылларынан, 2017 сылтан 2024 сылга диэри 60-тан үөһэ саастаах суоппардар буруйдарынан тахсар суол саахалларын ахсаана түөрт төгүл үрдээбит. Маны таһынан, бырайыакка бэлиэтэнэринэн, 2030 сылга аҕа саастаах дьон ахсаана нэһилиэнньэ барытыттан 25,8%, оттон 2036 сылга – 27,7% ылыаҕа. Онон бырабыыталыстыба суолга 60-тан тахса саастаах дьону бэрэбиэркэлиир уонна үөрэтэр-сыһыарар ньыманы тупсарарга этиллэр.

Санатан эттэххэ, билигин суоппардар доруобуйаларын 10 сылга биирдэ мэдиссиинискэй хамыыһыйаны ааһан, ыспыраапка ылалларыгар бэрэбиэркэлииллэр. Бу кэм иһигэр массыына ыытааччы тырааныспары ыытарга сөп түбэспэт ыарыыланыан сөп.