Хаартыска: SakhaGov
Өрөспүүбүлүкэҕэ байыаннай дьайыы кыттааччыларыгар – байыаннай сулууспалаахтарга уонна кинилэр дьиэ кэргэттэригэр аадырыстаах көмөнү оҥоруу үлэтэ салҕанар. Саха сиригэр байыаннай дьайыы 648 бэтэрээнэ уонна кинилэр дьиэ кэргэттэрэ үлэнэн хааччылыннылар. Бу туһунан сэтинньи 1 күнүгэр брифиҥҥэ СӨ Бырабыыталыстыбатын бэрэссэдээтэлин солбуйааччы Георгий Степанов иһитиннэрдэ.
«Дьарыктаах буолуу кииннэригэр үлэҕэ киирэргэ көмө көрдөөн байыаннай дьайыы 413 кыттааччыта уонна байыаннай сулууспалаахтар 645 дьиэ кэргэттэрин чилиэннэрэ тиийдилэр. Кинилэртэн 202 киһи үөрэххэ ыытылынна, 648 киһи үлэнэн хааччылынна», – диэтэ Георгий Степанов.
Кини дааннайынан, бүгүҥҥү күҥҥэ 220 ыалга олорор дьиэни гаастыырга материальнай көмө оҥоһулунна, 747 төрөппүккэ санаторнай-курортнай эмтэниигэ көмө көрүлүннэ, 555 гражданиҥҥа байыаннай сулууспалаах эмтэнэр сиригэр барарыгар материальнай көмө бэрилиннэ. Байыаннай дьайыы 1536 кыттааччыта уонна байыаннай сулууспалаахтар 2833 дьиэ кэргэттэрин чилиэннэрэ доруобуйа харыстабылын уонна социальнай хааччыйыы тэрилтэлэригэр реабилитацияны аастылар, 516 киһи дьиэҕэ уонна аҥардас стационарнай көрүҥүнэн социальнай өҥөнөн туһанна.
Федеральнай «Дьоруойдар кэмнэрэ» бырайыакка майгынныыр өрөспүүбүлүкэҕэ «Саха сирэ – Дьоруойдар сирдэрэ» диэн каадыр бырагыраамата олоххо киирэр. Бырагыраама сыала – байыаннай дьайыы бэтэрээннэрэ сайдалларыгар усулуобуйаны тэрийии уонна өрөспүүбүлүкэҕэ салайааччылар саҥа көлүөнэлэрин бэлэмнээһин.
«Куонкуруһу ситиһиилээхтик ааспыт байыаннай дьайыы 25 кыттааччыта өрөспүүбүлүкэ баһылыгын иһинэн үлэлиир Инновационнай менеджмент үрдүкү оскуолатын баазатыгар «Судаарыстыбаннай уонна муниципальнай салайыы» идэҕэ бэлэмниир бырагыраама кыттыылаахтара буоллулар. Бырагыраама кыттыылаахтара муниципальнай тэриллиилэр дьаһалталарыгар, министиэристибэлэргэ уонна биэдэмистибэлэргэ стажировканы аастылар, сири-уоту сайыннарыыга бэйэлэрин бырайыактарын оҥорон, алтынньы 29 күнүгэр отчуоттуур кэмпириэнсийэҕэ кытыннылар. Үөрэх бырагыраамата 2026 сыл ыам ыйын бүтүөр диэри ыытыллар», – диэн вице-премьер бэлиэтээтэ.
Өрөспүүбүлүкэ борокуратууратын сорудаҕынан, Уус Маайа улууһун борокуратуурата Шептунчик үрэҕинэн күргэ сууллубутун туһунан тахсыбыт иһитиннэриилэринэн бэрэбиэркэ…
РВБ хампаанньа (Объединенная компания Wildberries & Russ) Саха сиригэр логистика киинин тутар былааннаах. Илиҥҥи экэнэмиичэскэй…
2022 сылтан 6,2 тыһ. тахса Саха сирин олохтооҕо социальнай хантараагынан 1,7 млрд солкуобайы ылбыттар. Дьон…
Ленинградскай уобаласка «Бастыҥ оскуола остолобуойа» Бүтүн Арассыыйатааҕы күрэх түмүктэннэ. Саха сирин аатыттан Дьокуускай куорат Н.И.…
ИДьМ «Дьокуускайдааҕы» 2-с №-дээх полиция отделын дьуһуурунай чааһыгар «Тойота Корса» мааркалаах массыынаны күрэтии туһунан сайабылыанньа…
Ленскэй улууһун борокуратуурата Сунтаар улууһун олохтооҕор сыһыаннаах холуобунай дьыалаҕа судаарыстыбаннай буруйдааһыны өйөөтө. Кини РФ ХК…