Хаартыска: sakha.gov.ru
Быйыл өрөспүүбүлүкэҕэ 613 ыарыһах РФ Бэрэсидьиэнэ Владимир Путин көҕүлээһининэн киирбит «Уһун уонна көхтөөх олох» национальнай бырайыагын чэрчитинэн вирустаах гепатиттан эмтэнии толору кууруһун ылла, онно 200 мөлүйүөнтэн тахса солкуобай көрүлүннэ.
Хонтуруоллуур чинчийиилэр түмүктэринэн эмтэнии көдьүүһэ 97%-тан тахсыбыт, диэн СӨ Доруобуйа харыстабылын министиэристибэтэ иһитиннэрэр.
Эрэгийиэҥҥэ вируснай С гепатиттаах ыарыһахтары эминэн хааччыйыы салҕанар. Билигин өрөспүүбүлүкэҕэ маннык ыарыылаах 4500 ыарыһах диспансердарга учуокка турар.
«Вируһу утары эми истэҕинэ, киһи организмыттан вирус бүтүннүү тахсар уонна үтүөрэр. Кэмигэр ыарыыны булан ылыы, эмтээһин «Уһун уонна көхтөөх олох» национальнай бырайыак сүрүн сыалларынан буолаллар», — диэн бэлиэтээтэ өрөспүүбүлүкэ доруобуйа харыстабылын миниистирэ Лена Афанасьева.
Хроническай вируснай С гепатит доруобуйа харыстабылын биир сүрүн кыһалҕатынан буолар. Инфекция өр сылларга баарын-суоҕун биллэрбэккэ сытыан сөп. Ыарыы үксүн хойукку стадияҕа, киһи быара цирроз эбэтэр искэн үөскээбит буоллаҕына, биирдэ баара биллэр.
СӨ Доруобуйа харыстабылын министиэристибэтин кылаабынай штаты таһынан инфекциониһа Снежана Слепцова бэлиэтээбитинэн, өрөспүүбүлүкэ ыарыһахтарга барыларыгар эмтэрин атыылаһар.
«Аныгы эмтэр көдьүүстээхтэрин дакаастыыллар. Урут ыарыһах 50% эрэ үтүөрэрэ, билигин ыарыһах 100% кэриҥэ үтүөрэр буолла», — диэбитин, Ил Дархан, бырабыыталыстыба пресс-сулууспата иһитиннэрэр
Дьокуускайга олунньу 22 күнүгэр "Быть здоровым -- это модно!" диэн 14-с төгүлүн ыытыллар Норуоттар икки…
Педагогическай наука кандидата Елизавета Петровна Гуляева ыҥырыытынан, Ийэ тыл күнүгэр Дьокуускай куорат 31 нүөмэрдээх орто…
Саха сирин сүүмэрдэммит хамаандатын дзюдоистката Аина Моисеева Ташкент куоракка ыытыллар «Большой шлем» күрэхтэһиигэ дойду сүүмэрдэммит…
Тимофей Сметанин уонна Яков Стручков кэпсээннэринэн уһуллубут "Мэхээлэчээн булчут" киинэ кулун тутар 19 күнүттэн улахан…
Бүгүн, олунньу 13 күнүгэр, Дьокуускай куоракка «Патриот» ыччат киинигэр оҕону, ыччаты патриотическай иитиигэ улахан суолталаах…
Саха сирин психологтара байыаннай дьайыы кыттыылаахтарын ийэлэрин өйүүргэ туһуламмыт «Искусство терапията» диэн саҥа бырайыагы саҕалаатылар.…