61 саастаах дьахтары түҥнэри көппүт

Госавтоиниспиэксийэ иһитиннэрбитинэн, алтынньы 2  күнүгэр Дьокуускай куоракка киэһээ  20 чаас саҕана  Орджоникидзе — Петровскай уул. быһа охсуһууларыгар,  34 саастаах   «Toyota Vitz» массыына суоппара  Белинскэй уулуссатыттан Петровскай диэки баран иһэн,  хаҥас диэки  эргийиигэ  суолу туораан иһэр  61 саастаах дьахтары түҥнэри көппүт. 

Быһылаан түмүгэр, дьахтар  хаҥас сарын уҥуоҕун тоһуппут.

Эмиэ бу күн,  21:11 чаас саҕана, Дежнев уул. — Михаил Николаев проспегын быһа охсуһуутугар, 56 саастаах «Toyota Vitz» суоппара  Дежнев уул айаннаан иһэн, хаҥас диэки эргийээри,  23 саастаах эр киһини түҥнэри көппүт.  Ол түмүгэр эр киһи араас эчэйиини ылан  балыыһаламмыт.