Хаартыска: СӨ Сууттарын холбоһуктаах пресс-сулууспата
Кэбээйи оройуонун суута буоста сибээһин отделын урукку началалынньыга сулууспалыыр балаһыанньатын туһанан улахан кээмэйдээх хоромньуну таһаарбыт холуобунай дьыалатын көрдө.
Суут быһаарбытынан, дьахтар 2021 сылтан 2023 сылга диэри буоста харчытын иҥэриммит. Уоруллубут үп-харчы уопсай суумата 2 483 125,24 солк. тэҥнэспит. Харчыны дьахтар бэйэтэ билэринэн дьаһанан туһаммыт. Суут кэмигэр дьахтар буруйун билиммэтэх, ону ааһа баран бырагыраамаҕа сыыһа-халты тахсыбытын сөптөөҕүнэн ыйбыт.
Суут дьыалаҕа дакаастабыл хомуллубутунан, буруйу оҥорууга сымнатар түгэннэр баалларынан, дьахтар аҕам саастааҕынан, хроническай ыарыылардааҕынан, урут сууттана сылдьыбатаҕынан 62 саастаах дьахтары буруйдааҕынан билиннэ уонна 3 сыл 6 ый устата көҥүлүн быһарга уонна 3 сылга болдьохтоох усулуобунайдык болдьоххо көрүүгэ сылдьарыгар уураахтаата. Кини ый ахсын регистрация ааһыахтаах уонна олорор сирин туһунан анал судаарыстыбаннай уоргаҥҥа биллэриэхтээх.
Суут «Почта России» АХ ирдэбилин ылынна, ол курдук буруйдаахтан материальнай хоромньу сууматын ирдээтэ. Бириигэбэр сокуоннай күүһүгэр киирэ илик. Бу туһунан СӨ Сууттарын холбоһуктаах пресс-сулууспата суруйар.
Саха Өрөспүүбүлүкэтин Судаарыстыбаннаһын күнүгэр, балаҕан ыйын 27 күнүгэр, 19:00 чаастан Ил Дархан Айсен Николаевы кытта…
Дьокуускайга ПСБ баан Саха Өрөспүүбүлүкэтигэр аан бастаан ыытыллыбыт “ЭтноРан.ЯКУТИЯ 2025” спортивнай-култуурунай сүүрүүнү өйөөн, тэрээһин анал…
ЫБММ пресс-сулууспата иһитиннэрбитинэн, балаҕан ыйын 17 күнүгэр түүн 02:13 ч. баһаарынай-быыһыыр сулууспаҕа Горнай улууһугар Аһыма…
Бүгүн, балаҕан ыйын 18 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…
Бүгүн, балаҕан ыйын 18 күнүгэр, Үөһээ Дьааҥы, Өймөкөөн, Өлөөн, Мииринэй, Эдьигээн оройуоннарыгар инчэҕэй хаар түһэрэ…
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…