62 тыһыынча үөрэнээччи босхо итии аһылыгынан хааччылынна

Бу ааспыт үөрэх дьылыгар 151 156 үөрэнээччи оскуолаҕа итии аһылыгынан хааччыллыбыта. Кинилэртэн 62 346 оҕо босхо аһылыгынан хааччыллыбыта.

1-4 кылаастар үөрэнээччилэрэ бары уонна 5-11 кылаастарга доруобуйаларыгар хааччахтаах оҕолор, ону тэҥэ, быстах хомуурга барбыт байыастар оҕолоро күҥҥэ иккитэ босхо итии аһылыгынан хааччылыннылар. Кыаммат ыаллар оҕолоро күҥҥэ биирдэ босхо аһыыллар.

5-11 кылаастарга итии аһылык ороскуотун нуормата – күҥҥэ 80 солкуобай, Полярнай эргимтэҕэ баар улуустарга – 90 солкуобай. Ону тэҥэ, улуустар, куораттар бэйэлэрин өттүлэриттэн эбэн биэриэхтэрин сөп.

637 оскуолаттан 591-гэр (93%) бэйэлэрэ ас буһарар блоктаахтар, кинилэртэн: толору хааччыллыы — 488 (82%), хас да оскуоланы хааччыйар остолобуойдар — 96 (7%), миэстэтигэр бэлэмниир — 7 (1%).

Ил Дархан, бырабыыталыстыба дьаһалтатын пресс-сулууспата.