62 ыал гаас киллэрэргэ субсидиянан туһанна

Саха сиригэр бэс ыйыгар  62 ыал олорор дьиэтигэр гаас ситимин киллэрэргэ субсидиянан туһанна.

Судаарыстыбаннай өйөбүл уопсай суумата — 9 мөлүйүөнтэн тахса. Сэттэ дьиэ хайыы үйэ гаас ситимигэр холбонно. Өссө 55 ыалга гаас хочуолларын уонна турбалары тардарга ис үлэлэрэ саҕаланнылар, кинилэргэ  сотору кэминэн гаас холбонуоҕа.
Эрэгийиэн бырамыысыланнаска уонна геологияҕа миниистирэ Максим Терещенко эппитинэн, 2021 сылтан социальнай гаастааһын бырагырааматынан өрөспүүбүлүкэҕэ 3200 дьиэ  гааска холбонно. Гаас тэриллэрин атыылаһарга уонна дьиэҕэ диэри тардарга Саха сирин олохтоохторо субсидиянан туһаныахтарын сөп.

Онуоха өрөспүүбүлүкэҕэ икки судаарыстыбаннай бырагыраама үлэлиир. Бастакы бырагырааманан, киин сылытыыттан гааска көһөөччүлэр гаас ситимин тардыналларыгар ороскуоттарын 75% толуйуллар. Иккис бырагыраама быһыытынан, аҕыйах дохуоттаах ыал учаастагар гаас киллэрэригэр өйөбүлүнэн туһанар. Бу бырагыраамаларынан элбэх оҕолоох, аҕыйах дохуоттаах уонна байыаннай эпэрээссийэҕэ барбыт киһи дьиэ кэргэнэ туһаныахтарын сөп.