64 массыына 20 улуус балыыһатыгар бэриллибитэ

64 массыына 20 улуус балыыһатыгар бэриллибитэ

23.03.2024, 16:30
Хаартыска: Ил Дархан пресс-сулууспата
Бөлөххө киир:

Кулун тутар 22 күнүгэр буолбут Доруобуйа харыстабылын министиэристибэтин кэллиэгийэтин мунньаҕар 2023 сыллааҕы үлэ түмүктэрин таһаардылар уонна 2024 сылга соруктары торумнаатылар.

Саха сирин Бырабыыталыстыбатын бэрэссэдээтэлин солбуйааччы Георгий Степанов былырыын өрөспүүбүлүкэ нэһилиэнньэлээх пууннарыгар доруобуйа харыстабылын уонтан тахса эбийиэгэ үлэҕэ киллэриллибитин уонна бу үлэ эрэгийиэҥҥэ салҕаныаҕын туһунан эттэ.
Ол курдук, 2024 сылга Саха сиригэр «Доруобуйа харыстабыла» национальнай бырайыак доруобуйа харыстабылын бастакы сүһүөх звенотун модернизациялааһын бырагырааматынан 10 саҥа быраас амбулаториятын уонна биэлсэр-акушер пуунун тутуохтара.
Ону таһынан,  Уус Маайа улууһун Уус Маайа бөһүөлэгэр 45 куойкалаах уонна симиэнэҕэ 104 киһи сылдьар поликлиникалаах балыыһа комплексын тутуу салҕанар. Өссө 5 эбийиэги -– Амма сэлиэнньэтигэр симиэнэҕэ 200 киһи сылдьар поликлиниканы, Бүлүү, Ньурба куораттарга оунна Нам сэлиэнньэтигэр эмтиир куорпустары, Майа сэлиэнньэтигэр балыыһа комплексын тутууну саҕалааһын былааннанар.
СӨ Доруобуйа харыстабылын миниистирэ Лена Афанасьева бэлиэтээн эппитинэн, 2023 сылга мэдиссиинэ 71 массыыната уонна 2 мобильнай комплекс атыылаһыллыбытыттан 64 массыына уонна 2 мобильнай комплекс 20 улуус балыыһатыгар бэриллибитэ.
Өрөспүүбүлүкэҕэ доруобуйа харыстабылын эбийиэктэрин олохтоохтук өрөмүөннээһиҥҥэ киэҥ хабааннаах үлэ ыытыллар, онтон 14 эбийиэккэ өрөмүөн үлэтэ 2023 сыллаахха түмүктэммитэ.

+1
0
+1
0
+1
0
+1
0
+1
0
+1
0
+1
1
Бары сонуннар
Салгыы
16 июня
  • 25°C
  • Ощущается: 25°Влажность: 38% Скорость ветра: 5 м/с

Сообщить об опечатке

Текст, который будет отправлен нашим редакторам: