Хаартыска: Ил Дархан пресс-сулууспата
Кулун тутар 22 күнүгэр буолбут Доруобуйа харыстабылын министиэристибэтин кэллиэгийэтин мунньаҕар 2023 сыллааҕы үлэ түмүктэрин таһаардылар уонна 2024 сылга соруктары торумнаатылар.
Саха сирин Бырабыыталыстыбатын бэрэссэдээтэлин солбуйааччы Георгий Степанов былырыын өрөспүүбүлүкэ нэһилиэнньэлээх пууннарыгар доруобуйа харыстабылын уонтан тахса эбийиэгэ үлэҕэ киллэриллибитин уонна бу үлэ эрэгийиэҥҥэ салҕаныаҕын туһунан эттэ.
Ол курдук, 2024 сылга Саха сиригэр «Доруобуйа харыстабыла» национальнай бырайыак доруобуйа харыстабылын бастакы сүһүөх звенотун модернизациялааһын бырагырааматынан 10 саҥа быраас амбулаториятын уонна биэлсэр-акушер пуунун тутуохтара.
Ону таһынан, Уус Маайа улууһун Уус Маайа бөһүөлэгэр 45 куойкалаах уонна симиэнэҕэ 104 киһи сылдьар поликлиникалаах балыыһа комплексын тутуу салҕанар. Өссө 5 эбийиэги -– Амма сэлиэнньэтигэр симиэнэҕэ 200 киһи сылдьар поликлиниканы, Бүлүү, Ньурба куораттарга оунна Нам сэлиэнньэтигэр эмтиир куорпустары, Майа сэлиэнньэтигэр балыыһа комплексын тутууну саҕалааһын былааннанар.
СӨ Доруобуйа харыстабылын миниистирэ Лена Афанасьева бэлиэтээн эппитинэн, 2023 сылга мэдиссиинэ 71 массыыната уонна 2 мобильнай комплекс атыылаһыллыбытыттан 64 массыына уонна 2 мобильнай комплекс 20 улуус балыыһатыгар бэриллибитэ.
Өрөспүүбүлүкэҕэ доруобуйа харыстабылын эбийиэктэрин олохтоохтук өрөмүөннээһиҥҥэ киэҥ хабааннаах үлэ ыытыллар, онтон 14 эбийиэккэ өрөмүөн үлэтэ 2023 сыллаахха түмүктэммитэ.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…