«Чолбон» сурунаал от ыйынааҕы нүөмэрин ыалдьыта – саха саарыннарын кыһата буолбут Чурапчы улууһа.
Прозаҕа:
— норуот суруйааччыта Василий Назарович Егоров-Тумарча «Одьулууннар» арамаанын «Болугур Айыытын хостооһун» диэн түһүмэҕэр аата да этэрин курдук миистикэлээх түбэлтэ ойууланар;
— норуот суруйааччыта Сэмэн Тумат «Саҕастыыр барахсан сүрэхпэр» саҥа эсселэригэр хоту дойду тыйыс айылҕата уонна киһи, көс уонна олохтоох дьон, аныгы сайдыы уонна түҥ былыргы үгэстэр алтыһыыларын уус-ураннык сэһэргиир;
— В.К. Арсеньев аатынан Бүтүн Арассыыйатааҕы «Уһук Илин» литература бириэмийэтин лауреата Анатолий Слепцов «Хара Тумус» диэн кэпсээнигэр чурапчылары муустаах муора кытылыгар көһөрүү трагедиятын уратытык дьүһүйэр;
— Сомоҕо Аҕа дойду Улуу сэриитин туһунан «Эргиллии», Аграфена Кузьмина аныгы уонна былыргы алтыһыыларын туһунан «Баахылла» кэпсээннэрэ;
Оҕо литературатыгар:
— Улдьаа Харалы «Оноҕостуур Бэргэн» остуоруйа-олоҥхотугар саха бухатыыра хоту дойдуга мүччүргэннээх сырыылара сэһэргэнэр;
— уус-уран тылбаас маастара Альбина Борисова айбыт «Иэппэт буолбут ынах туһунан остуоруйата»;
— Мааны Маарыйа «Үргүүк хара ат» төрөппүтү уонна оҕону ситимниир аныгы остуоруйата;
Поэзияҕа:
— Вячеслав Хон «Ый аптаах ыллыгын буларым…», Ольга Янцен «Саҥата суох таптал сылааһа…» саҥа уонна Сэргэх Сэмэй «Улуу сис уолабын!» талыллыбыт хоһооннорун бөлөҕө;
— саха литературатыгар үгэ жанрын төрүттээччи Күн Дьирибинэ төрөөбүтэ 120 сылынан кини түһүүлээх-тахсыылаах олоҕун уонна чаҕылхай айар үлэтин Сэмэн Тумат сиһилии билиһиннэрэр ыстатыйата;
— Олимп чыпчаалыгар сирдьит Дмитрий Коркин төрөөбүтэ 95 сылыгар иитиллээччилэрэ – аныгы кэм боотурдара Павел Пинигин, Александр Иванов, Василий Гоголев ахтыылара;
— худуоһунньук Афанасий Собакин төрөөбүтэ 95 сылыгар кыыһа, Саха сирин Худуоһунньуктарын сойууһун бэрэссэдээтэлэ Ольга Скорикова аҕатын өспөт сурааһыннарын туһунан анаарыыта;
— филология наукатын хандьыдаата Саргылаана Ноева Далан «Тулаайах оҕо» уонна «Тыгын Дархан» арамааннарын уус-уранннык ырытыыта;
— Чурапчы улууһун баһылыга Степан Саргыдаевтыын Алена Сысолятина «Чурапчыга олоҕу үлэ дьоно сүрүннүүр» сэһэргэһиитэ.
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…