67 саастаах сатыы киһини түҥнэри көттүлэр

Ааспыт сууккаҕа Дьокуускайга 8 суол быһылаана таҕыста, биир киһи эчэйиини ылла. Бу туһунан Дьокуускай куорат Госавтоиниспиэксийэтэ иһитиннэрдэ.

Балаҕан ыйын  23 күнүгэр 20  чаас саҕана Госавтоиниспиэксийэ дьуһуурунай  бөлөҕөр киһини түҥнэри көппүттэрин туһунан иһитиннэрии киирбит.

Барыллаан быһаарыллыбытынан,  46 саастаах  «Toyota Land Cruiser» массыына суоппара уҥа диэки  Октябрьскай уулуссаҕа эргийээри,  күөх уокка туораан испит  67 саастаах киһини түҥнэри көппүт. Ол түмүгэр эмсэҕэлээбит киһи балыыһаҕа киллэриллибит.