680-тан тахса Саха сирин олохтооҕо алимеҥҥа иэстээх буоланнар, суут бириистэптэриттэн саһа сылдьаллар

Саха сиригэр 686 киһи иккис төрөппүккэ эбэтэр эпэкииҥҥэ иитиллэ сылдьар оҕотугар алимены төлүүртэн күрэнэ сылдьар. 60-тан тахса оҕо анал тэрилтэлэргэ бааллар. Туһааннаах дааннайдары өрөспүүбүлүкэҕэ баар Арассыыйа ФССП Управлениета көрдөрдө.

Төлөбүрү төлүүртэн куотуна сылдьар дьон ордук Дьокуускайга элбэхтэр (461 киһи), онтон Нерюнгри олохтоохторо кэлэллэр (55 киһи), салгыы мииринэйдэр (42 киһи) уонна Ленскэй олохтоохторо (39 киһи).

Суут бириистэптэриттэн куота сылдьааччылартан саамай эдэрдэрэ 22 саастаах Мииринэй олохтооҕо, саамай аҕа саастаахтара 63 саастаах, икки оҕото сокуоннай саастарын субу туолаллара чугаһаабыт аҕа буолар.

Сыл саҕаланыаҕыттан суут бириистэптэрэ алимеҥҥа иэстээх 120 киһини булан ыллылар, 200 саҥа дьыаланы көбүттүлэр.