69 устудьуон «Я – профессионал» олимпиада түмүктүүр түһүмэҕэр кыттыаҕа

Саха сирин 69 устудьуона «Я – профессионал» олимпиада түмүктүүр түһүмэҕэр ааста.

Бүтүн Арассыыйатааҕы «Я – профессионал» устудьуоннар олимпиадаларын  IX сезонун сүүмэрдиир түһүмэҕин түмүгүнэн, Саха сириттэн 69 устудьуон сорудахтарын ситиһиилээхтик толороннор, кыайыы иһин киирсиилэрин салгыыллар.

Сүүмэрдиир түһүмэх кэмигэр кыттааччылар 70 хайысханан билиилэрин-көрүүлэрин бэрэбиэркэлээтилэр.

— «Саха сирин устудьуоннара хаачыстыбалаах бэлэмнэнии баарын көрдөрдүлэр. Биһиэхэ кыттааччылар үөрэммит миэстэлэриттэн, сирдэриттэн тутулуга суох, бэйэлэрин билиилэрин-көрүүлэрин көрдөрөллөрө наада. Кинилэргэ үүнэр-сайдар кыах бэриллэр. Барыларыгар ситиһиилэри баҕарабын!— диэн «Сенеж» мастерской управлениетын ректора, «Арассыыйа — кыахтары сайыннарар дойду» АНО генеральнай дириэктэрэ Андрей Бетин.

Түмүктүүр түһүмэх быйыл олунньуга саҕаланар.

Сиһилии: https://www.sakha.gov.ru/news/18367