694 суол саахала таҕыста

Ахсынньы 28 күнүнээҕи туругунан, өрөспүүбүлүкэҕэ бу сыл устата 694 суол саахала таҕыста, 80 киһи өлбүт, 896 киһи эчэйбит. 

Бырааһынньык күннэригэр  иниспиэктэрдэр суол быраабылатын кэһиигэ хонтуруолларын күүһүрдүөхтэрэ. Ордук арыгы иһэн баран, массыынаны ыытыыны, бырааба суох сылдьыыны, утары балаһаҕа тахсыыны, оҕолору тиэйиигэ быраабыланы кэһиигэ болҕомтолорун күүһүрдүөхтэрэ.

Госавтоиниспиэксийэ маннык кэһиилэри көрдөххүтүнэ, дьуһуурунай чааска: 127, 8(4112)47-35-69 уонна 8(4112)35-22-22 нүөмэрдэринэн эрийэн биллэрэргитигэр көрдөһөр. Бу маннык кэһиилэр ким эрэ олоҕор, доруобуйатыгар кутталлаах буолуохтарын сөбүн туһунан сэрэтэр.

Улахан массыыналар кэннилэриттэн хойуу туман бургучуйан, суолга олус сэрэхтээх буолуон сөп.