7 суол быһылааныгар 3 киһи эчэйдэ

Ааспыт өрөбүллэргэ Дьокуускай куоракка 7 суол быһылаана тахсан,  3 киһи араас эчэйиини ылбытын туһунан Госавтоиниспиэксийэ иһитиннэрдэ.

Тохсунньу 17 күнүгэр  14 чаас саҕана Ленин проспегын уонна Хабаров уулуссатын быһа охсуһуутугар,   52 саастаах  «Toyota Corolla Fielder» суоппара  Хабаров уулуссатынан Чиряев диэки айаннаан иһэн, хаҥас диэки эргииргэ «Toyota Caldina» суоппарыгар суол  биэрбэтэх. Ол түмүгэр  массыыналар харсыһаннар,   «Toyota Corolla Fielder» 58 уонна  15 саастаах пассажирдара эчэйиини ылбыттар.

Тохсунньу  18 күнүгэр 13 чаас саҕана  Кальвица — Бестужев-Марлинскай уулуссалар быһа охсуһууларыгар,   Кальвица 6-с нүөмэрдээх дьиэтин таһыгар,  кимэ биллибэт суоппар  «күөх уокка» суолу туораан испит сааһын ситэ илик оҕону түҥнэри көппүт.