7 тыһыынчаттан тахса киһи ОРВИ-нан ыарыйда

Балаҕан ыйын 15 күнүнээҕи туругунан, өрөспүүбүлүкэҕэ 7 тыһыынчаттан тахса киһи ОРВИ-нан ыарыйда. Бу ааспыт нэдиэлэтээҕи көрдөрүүттэн 81% үрдүк.

СӨ Роспотребнадзорын управлениета иһитиннэрэринэн, бу күһүҥҥү кэмҥэ респираторнай инфекция ыарыылара элбиирин, ол эбэтэр халлаан тымныйарын, дьон сылаас сиртэн уоппускаттан кэлиитин, үөрэх тэрилтэлэригэр үөрэх саҕаланыытын (инфекция түргэнник тарҕанар) кытта сибээстээх.

Билигин нэһилиэнньэҕэҕэ  кирииби утары быһыы көхтөөхтүк бэриллэр. Быһыы хампаанньатын чэрчитинэн, 2024 сыл күһүнүгэр  кирииби утары быһыыны  нэһилиэнньэ 60% ылара былааннанар. Билиҥҥи туругунан, 99 тыһыынчаттан тахса киһи, ол иһигэр 44 тыһыынчаттан тахса оҕо кирииби утары быһыыны ылла.

Быһыыны ыларга ордук көдьүүстээх, табыгастаах кэминэн балаҕан, алтынньы уонна сэтинньи ыйдар буолаллар.