70 тыһ. солкуобайы арыгыга бараабыт

Ньурба улууһун полицейскайдара 37 саастаах урут сууттана сылдьыбыт эр киһи уорууга уорбаланарын быһаардылар. Бу туһунан Ис дьыала министиэристибэтин пресс-сулууспата иһитиннэрдэ.

Ол курдук эмсэҕэлээччи табаарыстарын дьиэтигэр ыалдьыттата ыҥырбыт. Эр дьон  арыгылаабыттар. Арыгылара бүппүтүн кэннэ, дьиэлээх хаһаайын арыгы атыылаһыннараары баан каартатын уорбаланааччыга  биэрбит.   Онуоха эр киһи дьааһыгынан арыгы атыылаһан баран, салгыы атын дьоҥҥо   «бырааһынньыктыы» барбыт.

Эр киһи уопсайа 70 тыһ. тахса солкуобайы арыгыга бараабыт.

Билигин киниэхэ РФ Холуобунай кодексын 158 ыст. 3 чааһынан холуобунай дьыала көбүтүлүннэ.