Салгыы
70 уонна онтон үөһээ саастаах дьоҥҥо толуйуу көрүллэр дуо?

70 уонна онтон үөһээ саастаах дьоҥҥо толуйуу көрүллэр дуо?

14.02.2023, 17:34
Хаартыска: pxhere.com
Бөлөххө киир:

— 70 уонна онтон үөһээ саастаах дьонтон хапытаалынай өрөмүөн төлөбүрүн ылыы туохха олоҕурарый?, — диэн ааҕааччыларбытыттан ыйытыы киирдэ. 

Ыйытыыга “СӨ Элбэх кыбартыыралаах дьиэлэри хапытаалынай өрөмүөннээһин пуондата” кэмиэрчэскэйэ суох тэрилтэ дьиэни бас билээччилэри кытта үлэҕэ отделын начаалынньыга Саида Петрова маннык хоруйдаата:

— Эрэгийиэн хапытаалынай өрөмүөнүн бырагырааматыгар киирбит элбэх кыбартыыралаах дьиэлэргэ дьиэ уопсай баайын-дуолун хапытаалынай өрөмүөнүн усунуоһа гражданнар бары категорияларыгар булгуччулаах. СӨ Бырабыыталыстыбатын уурааҕынан гражданнар сорох категорияларыгар элбэх кыбартыыралаах дьиэ уопсай баайын-дуолун хапытаалынай өрөмүөнүгэр усунуос төлөбүрүгэр ороскуоту толуйууну оҥоруу бэрээдэгэ бигэргэммитэ.  Бу бэрээдэк быһыытынан хапытаалынай өрөмүөн усунуоһун ороскуотун толуйуу соҕотох олорор, олорор дьиэтин бас билэр, үлэлээбэт 70 саастаах киһиэхэ – 50 бырыһыан, 80 саастаахха – 100 бырыһыан, ону тэҥэ бииргэ олорор, үлэлээбэт, биэнсийэ ылар саастаах гражданнарга: 70 сааһын туолбукка — 50% , 80 саастаахха —   100 % диэн олохтоммута (2013 сыл 24.06 күнүнээҕи “Об организации проведения капитального ремонта общего имущества в многоквартирных домах на территории Республики Саха (Якутия) 1201-З №1329-IV Сокуонун 2 ыст. 4 чааһа). Хапытаалынай өрөмүөн усунуоһун төлөбүрүгэр иэскит суох түгэнигэр толуйуу оҥоһуллар. Өйөбүл бу миэрэтэ дьону хапытаалынай өрөмүөнү төлүүртэн босхолообот диэн санатабыт. Бу сүкпүт ороскуоккутун толору уонна быстах толуйуу туһунан этиллэр.

Кэнники кэмҥэ толуйууну толотторуу судргу буолла, “Мои документы” салааларыгар тиийэн толотторуоххутун сөп.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
19 июня
  • 16°C
  • Ощущается: 15°Влажность: 63% Скорость ветра: 1 м/с

Сообщить об опечатке

Текст, который будет отправлен нашим редакторам: