Саха сиригэр баһаары умулларыыга 749 киһи, 50 тиэхиньикэ үлэлиир. Ону сэргэ аҕыс МИ-8 бөртөлүөт, 16 салгын суудуната баһаары умуллараллар.
Бу туһунан өрөспүүбүлүкэ ойуурун хаһаайыстыбатын сүрүн леснигэ Андрей Коноплев брифиҥҥэ иһитиннэрдэ.
«Ойуур баһаарын түргэнник суох оҥорорго наадалаах дьаһаллар ылыллаллар. Ойуурга буола турар баһаардартан нэһилиэнньэлээх пууннарга уонна экэниэмикэ эбийиэктэригэр куттал суоһаабат”, — диэтэ А. Коноплев.
Биир суукка иһигэр 1,5 гаа уопсай иэннээх ойуур баһаара бохсулунна. Ону кытта этиҥтэн 487 гаалаах сиргэ 13 ойуур баһаара турбута бэлиэтэннэ.
Билигин өрөспүүбүлүкэҕэ 98 266 гааҕа 48 ойуур баһаара турар: 8 – Нерюнгри улууһугар, 7 — Кэбээйигэ, 6 — Алдаҥҥа, түөртүү баһаар — Бүлүүгэ, Томопоҕо, үстүү — Аммаҕа, Дьааҥыга, Өлүөхүмэҕэ, иккилии — Булуҥҥа, Үөһээ Бүлүүгэ, Үөһээ Халымаҕа, биирдии — Абыйга, Горнайга, Уус Алдаҥҥа, Хаҥаласка, Эбээн Бытантайга уонна Дьокуускай куоракка.
Ону таһынан Абый уонна Үөһээ Халыма улуустарыгар 2 лантшафтнай баһаар турбута билиннэ. Бу баһаартартан Үөһээ Бүлүүгэ, Бүлүүгэ, Үөһээ Халымаҕа 4 баһаар салгыы тарҕанара тохтотулунна.
Ыксаллаах быһыы-майгы балаһыанньата Өлүөхүмэ улууһугар салҕанар. Баһаары утары охсуһуу ураты эрэһиимэ Алдан, Амма, Бүлүү, Дьааҥы, Үөһээ Бүлүү, Кэбээйи, Өлүөхүмэ, Муома, Мэҥэ Хаҥалас, Нерюнгри, Нам, Сунтаар, Орто Халыма, Томпо, Таатта, Хаҥалас, Уус Алдан улуустарыгар уонна Дьокуускай куорат уокуругар киллэрилиннэ.
Быйыл өрөспүүбүлүкэ баһаары бохсууга 50 салгын суудуната, беспилотниктар уонна сөҥүүнү түһэрэргэ 2 зондировшик-сөмөлүөт, ону таһынан 1,2 тыһыынчаттан тахса киһи үлэлиэҕэ.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…