710 №-дээх быыбардыыр учаастак — бастыҥнар кэккэлэригэр

РФ Бэрэсидьиэнин быыбарыгар Дьокуускай куорат 710 №-дээх быыбардыыр учаастагар 2350 быыбардааччы испииһэккэ киирбит (сайабылыанньанан 568 киһи киллэриллибит, 202 быыбардааччы урукку испииһэктэн уһуллубут). 

Бу туһунан быыбардыыр учаастак хамыыһыйатын  салайааччытын солбуйааччы Варвара Кутукова маннык кэпсээтэ:

— Эбиэт саҕанааҕы туругунан, 583 киһи куоластаата. Сарсыарда 8-9 чаас саҕана быыбардааччы сүрүн өттө кэлэн куолаһын биэрбитэ. Сүрүннээн орто саастаах дьон үлэлии баран иһэн куоластаан ааһаллар. Саастаах дьон  эмиэ көхтөөх. 11 чаас саҕана бастакы чахчылары биэриигэ биһиги быыбардыыр учаастакпыт бастыҥ көрдөрүүлээҕинэн биллибитэ. Дьиэттэн куоластыахтарын баҕарар дьонтон 6 киһи куоластаата. Быыбар хаамыыта этэҥҥэ баран иһэр.