73 саастаах суоппар эр киһини түҥнэри көппүт

Ааспыт сууккаҕа Дьокуускайга  10 суол быһылаана таҕыста, биир киһи эчэйиини ылла. Бу туһунан куорат Госавтоинспекцията иһитиннэрдэ.

Балаҕан ыйын 9 күнүгэр сарсыарда 9 чаас саҕана,  Орджоникидзе – Петр Алексеев уулуссалар быһа охсуһууларыгар,  73 саастаах  «Daihatsu Rocky» суоппара Дзержинскэй уулусса өттүттэн айаннаан иһэн, уҥа өттүгэр туораары  63 саастаах эр киһини түҥнэри көппүт. Эр киһи сатыы дьон туоруур сирдэригэр күөх уокка суолу туораан испит. Ол түмүгэр атаҕын тоһуппут.