СИА хаартыската.
Былырыын сайын от ыйын 9 күнүгэр Дьокуускай куоракка 74 саастаах дьахтар үрдүгэр Ленин болуоссатыгар бара турар үлэни бүөлээбит күрүө сууллубута. Билигин бу дьыала суукка тиийэн турар.
Тутуу ыытылла турар сиригэр быстах кэмҥэ оҥоһуллубут күрүө ааһан иһэр дьахтар үрдүгэр сууллубута. Эмсэҕэлээбит дьахтары суһал көмө массыыната балыыһаҕа илдьибитэ. Эмсэҕэлээбит дьахтар травматологическай салааҕа киирбитэ. Эчэйии түмүгүнэн кини эпэрээссийэлэммитэ.
Бүгүн, муус устар 17 күнүгэр, Силиэстийэлиир кэмитиэт Саха сиринээҕи управлениетын Дьокуускай куораттааҕы салаата иһитиннэрбитинэн, холуобунай дьыала силиэстийэтэ түмүктэммит. Ол курдук, РФ холуобунай кодексатын 216 ыст. 1 ч. тутуу тэрилтэтин үлэһитигэр холуобунай дьыала тэриллибитэ. Тутуу үлэтин ыытарга дьоҥҥо сэрэхтээх буолуу быраабылатын кэһии түмүгэр киһи доруобуйатыгар эмсэҕэлээһиннээх быһылаан тахсыбыт. Силиэстийэ иһитиннэрбитинэн, болуоссакка ыытыллар тутуу, өрөмүөн үлэлэринэн сибээстээн быстах кэмҥэ тимир күрүө оҥоһуллубут. Үлэни тэрийээччи оробуочайдар үлэлэрин хонтуруоллаабатах, онон тирэҕэ суох күрүө оҥоһуллубут.
Онон ситимнээн тыаллаах күн, ситэри туттарыллыбатах тимир күрүө тыал ноҕуруускатын уйбакка ааһан иһэр аҕам саастаах дьахтар үрдүгэр сууллубута. РФ Силиэстийэлиир кэмитиэтин бэрэссэдээтэлэ Александр Бастрыкин СК Саха сиринээҕи управлениетын салайааччыта Виталий Кондратенкоҕа бу дьыаланан холуобунай дьыаланы тэрийэргэ сорудахтаабыта. Онон силиэстийэлиир үлэлэр ттүмүктэнэн дьыала суукка барбыт. Бэлиэтээн суруйдахха, бу тутуу үлэтин «Сэттэ» тутуу хампаанньата ыыппыта.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…