75 саастаах биэнсийэлээх 2,7 мөл. солк. тахса харчытын түөкүттэргэ албыннаппыт

Түөкүттэр кинини биэнсийэлээх дьоҥҥо харчыларын улаатыннаран биэрэбит диэн итэҕэппиттэр.

Нэдиэлэ устата биэнсийэлээх дьахтар бэйэлэрин “Газинвест” анаарааччыларабыт дэнэр түөкүттэргэ харчытын ыыппыт. Түөкүттэр саастаах киһини дьиэҕиттэн тахсыбакка элбэх дохуоттаныаҥ, биэнсийэлээх дьоҥҥо биһиги көмөлөһөбүт диэн тылларын ылыннарбыттар. Ол туһунан өрөспүүбүлүкэтээҕи ИДьМ пресс-сулууспата иһитиннэрэр.

Эмсэҕэлээччи барыстанаары, туох баар уурумньу харчытын ханна да суох инвестиционнай бырайыакка ук диир билбэт дьонун этиитигэр киирэн биэрбит.

Бастаан кини 10 тыһ. солкуобайы, ол кэнниттэн өссө биирдэ эмиэ итиччэ сууманы укпут. Ол кэнниттэн түөкүттэр ууруна сытар 2,769 мөл. солкуобайгын барытын ук, хас эмэ төгүлүнэн улаатыннаран биэриэхпит диэн итэҕэппиттэр. Бэйэтин харчыта барыта бүппүтүн кэнниттэн, өссө 500 тыһ солк. кирэдьиит ылан ыыт диэбиттэрин, хата, баан биэрэртэн аккаастаабыт. Бу эрэ кэнниттэн эмсэҕэлээччи түөкүттэргэ түбэспитин өйдөөбүт уонна полицияҕа үҥсүбүт.