75 саастаах кырдьаҕаһы халаатылар
27.01.2023, 14:34
Бөлөххө киир:
Бу күннэргэ Дьокуускай куорат 203 микрооройуонугар 75 саастаах иккис группалаах инбэлиити халаатылар. Бу туһунан Ис дьыала министиэристибэтин пресс-сулууспата иһитиннэрдэ.
Ол курдук, кырдьаҕас киһи кууркатын сиэбиттэн биир киһи күүс өттүнэн харчытын ылан баран куоппут. Эмсэҕэлээччи уоруйаҕы тута сатаан кэнниттэн сырсыбыт да, кыайан сиппэтэх. Инньэ гынан, кини полиция дьуһуурунай чааһыгар тыллаан, суһал-ирдиир үлэ түмүгэр, 35 саастаах уорбаланааччы тутуллубут. Бу киһи бу иннинэ баайы-дуолу уорууга хаста даҕаны сууттана сылдьыбыт эбит.
Барыллаан быһаарыынан, хара санаалаах киһи маҕаһыыҥҥа уочаракка турар кырдьаҕас киһи харчытын тобоҕун кууркатын сиэбигэр уктубутун эрдэ бэлиэтии көрбүт. Итиэннэ маҕаһыынтан батыһан тахсан, 203 микрооройуоҥҥа тиийэн, кырдьаҕас киһиэхэ кэнниттэн кэлэн кууркатын сиэбиттэн харчытын уоран баран, куотан хаалбыт.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: