Хаартыска: СИА.
Саха сиригэр биир кэлим босуобуйаны 75 тыһыынча оҕо уонна 3 тыһыынча кэриҥэ хат дьахтар ылар. Босуобуйа төлөммүт суумата 4,7 миллиард солкуобайга тэҥнэстэ. Бу туһунан Социальнай пуонда Саха сиринээҕи салаатын салайааччы Марина Герман иһитиннэрдэ.
Биир кэлим босуобуйаны ыларга сайабылыанньаны “Госуслуги” портал, Элбэх өҥөнү оҥорор киин нөҥүө, эбэтэр, Социальнай пуондаҕа тиийэн биэриэххэ сөп.
— Социальнай пуонда салаата босуобуйаны биэрэригэр атын тэрилтэлэртэн тустаах докумуоннары бэйэтэ көрдөөн ылар. Холобур, дьиэ-уот туһунан сибидиэнньэни “Росреестр”, тырааныспар туһунан – ИДьМ, уу суудунатын туһунан – ЫБММ биэрэр. Ол эрээри, сороҕор докумуоннары Социальнай пуонда килийиэннэрин сулууспатыгар илдьэн биэриэххэ наада буолар. Өскөтүн бу урукку, атыыламмыт баай-дуол туһуттан аккаас кэллэҕинэ, тустаах тэрилтэҕэ баран, чуолкайдаһыахха наада. Тэрилтэ бигэргэппитин кэнниттэн, пуондаҕа сайабылыанньаны иккистээн суруллар, — диэн Марина Герман эттэ.
Биир кэлим босуобуйа хат дьахталларга уонна дьиэ кэргэн дохуота хас биирдии киһиэхэ тиксэринэн, тиийинэн олоруу алын кээмэйиттэн намыһах буоллаҕына, бэриллэр диэн Социальнай пуонда пресс-сулууспата иһитиннэрэр.
Бу сыл тохсунньуттан ыам ыйыгар диэри «Якутскэнергосбыт» хампаанньа 50 мөл. солк. тахса суумалаах хомунаалынай өҥөлөр…
Политолог, суруналыыс Чокуур Гаврильев ырытар.
От ыйыгар ГАИ үлэһитин тохтобулга ирдэбилин толорботох иһин ыстараап 12,5 төгүл үрдүөҕэ, ОСАГО полиһа суох…
От ыйын 1 күнүгэр Национальнай бэчээт күнэ бэлиэтэнэр. Бырабыыталыстыба дьиэтигэр сахалыы тыллаах көрдөрөр-иһитиннэрэр сириэстибэлэр үлэһиттэригэр,…
Саха сиригэр сыл саҕаланыаҕыттан байыаннай дьайыы 32 кыттыылааҕа уонна байыаннай сулууспалаахтар 85 дьиэ кэргэттэрин чилиэнэ…
Бу сыл тохсунньу 10 күнүгэр буруйдаах дьахтар Кырдьаҕастар уонна инбэлииттэр өрөспүүбүлүкэтээҕи интэринээт-дьиэлэрин дириэктэрин дуоһунаһыттан ууратыллыбыта.…