750 солкуобайдаах сибэккиттэн сылтаан көҥүлэ быһыллыан сөп
12.05.2025, 16:00
С.Львова хаартыската
Бөлөххө киир:
Ыам ыйын 8 күнүгэр Дьокуускайга 24 саастаах эр киһи сибэкки атыылыыр маҕаһыыҥҥа киирэн 750 солкуобайдаах сибэкки дьөрбөтүн аһаҕастык уоран тахсыбыт. ДПС патрульнай экипаһын үлэһиттэрэ уорбаланааччыны туппуттар.
ИДьМ пресс-сулууспата бэлиэтииринэн, төһө да уоруллубут сибэкки дьөрбөтүн сыаната элбэҕэ суоҕун иһин, кини дьайыыларыгар буруйу оҥоруу бэлиэлэрэ РФ холуобунай кодексатын 161 ыст. «Халааһын» диэн ыстатыйаҕа көрүллэр.
Бу ыстатыйанан уорбаланааччы күһэлэҥ үлэнэн накаастаныан сөп, эбэтэр 2-4 сыллаах болдьоххо көҥүлэ быһыллыан сөп.
Сообщить об опечатке
Текст, который будет отправлен нашим редакторам: