Хаартыска: Галина Мозолевская, ЯСИА
«Госуслуги Дом» мобильнай сыһыарыыны өрөспүүбүлүкэ олохтоохторо көхтөөхтүк туһаналлара салҕанар. Бүгүҥҥү күҥҥэ сыһыарыыны 78 789 киһи хачайдаан ылан, туһанар диэн олох-дьаһах хаһаайыстыбатын, энэргиэтикэ министиэристибэтэ иһитиннэрэр.
Сыһыарыыны хомунаалынай өҥөлөрү төлүүргэ уонна счетчик көрдөрүүлэрин туттарарга туһаныахха сөп. Салайар хампаанньалартан үп-харчы отчуоттара уонна хапытаалынай өрөмүөн туһунан информация эмиэ баар. Сервис өссө ыаллыылары кытта кэпсэтэр уонна салайар хампаанньа үлэтин хонтуруоллуур кыаҕы биэрэр.
Сыһыарыы биир кэлиҥҥи саҥаны айыыта диэн суһал диспетчерскэй сулууспаҕа түргэнник эрийэр кыаҕы биэрии буолар. Билигин туһанааччылар сүрүн экрааҥҥа тахсан, «Суһал көмө» тимэҕи баттаан, дьиэ-уот уонна хомунаалынай хаһаайыстыба судаарыстыбаннай информационнай систиэмэтигэр (ГИС ЖКХ) салайар хампаанньа киллэрбит официальнай нүөмэрин туһанан, диспетчерскэй сулууспаҕа түргэнник сибээстэһэллэр.
Сыһыарыы өссө саахал тахсар түгэннэригэр, ол курдук турба тоҕо барыыта, уот арахсыыта, эбэтэр гаас сыта тахсыыта, о.д.а. түгэннэргэ суһал диспетчерскэй сулууспаҕа түргэнник эрийэр кыаҕы биэрэр.
Сыһыарыыга авторизация «Госуслуги» порталыгар баар бэрэбиэркэлэммит учуот нөҥүө оҥоһуллар. Кыбартыыра эбэтэр дьиэ хаһаайына буолбатах олохтоохтор, хаһаайын биэрбит «ыалдьыт паролунан» сыһыарыы өҥөтүн туһаныахтарын сөп.
«Госуслуги Дом» мобильнай сыһыарыы Арассыыйа олохтоохторугар дьиэ-уот уонна хомунаалынай хаһаайыстыба боппуруостарын быһаарыыга эрэллээх көмөлөһөөччү буолла. Судаарыстыбаннай дьиэ-уот, хомунаалынай хаһаайыстыба информационнай систиэмэтин туһанан оҥоһулунна уонна «Информационнай систиэмэ оператора» АУо Тутуу министиэристибэтин уонна РФ сыыппара сайдыытыгар, сибээскэ уонна СМИ-гэ министиэристибэтин көмөлөрүнэн өйөнөр.
«Госуслуги» портал Арассыыйа бэрэсидьиэнэ Владимир Путин көҕүлээһининэн ыытыллыбыт «Экономика данных» национальнай бырайыагын чэрчитинэн үлэлиир.
Сиһилии: https://www.sakha.gov.ru/news/13246
Дойду үрдүнэн хамнаһы сыл аайы индексациялааһын бары эйгэни хабыахтаах, онно сөптөөх мэхэньииһим РФ Үлэ кодексатыгар…
«Битва роботов» норуоттар икки ардыларынааҕы чөмпүйэнээт 2025 сыллааҕы сезонун иккис сүүмэрдиир түһүмэҕэ алтынньы 11 күнүгэр…
Дьокуускай куорат борокуратуурата оҕо күүтэр дьахтар өлүүлээх суол быһылаанын чахчытынан холуобунай дьыала тэриллиитин сокуоннайынан билиннэ.…
Дьокуускайга «Эдэр исписэлиис – кэскиллээх тутааччы» пуорум чэрчитинэн үлэ дьаарбаҥката буолан ааста. М.К. Аммосов аатынан…
Саха сиригэр байыаннай дьайыы 1488 кыттыылааҕа уонна кинилэр дьиэ кэргэттэрин 2738 чилиэнэ реабилитационнай көмөнү ыллылар.…
Сбер "Школа 21" диэн сыыппара технологиятын оскуолатыгар икки нэдиэлэлээх "бассейннарга" сурутуу аһылынна: кыттааччылар 14 күн…