Түөкүттэр Дьокуускай олохтооҕуттан 8 мөлүйүөнү уордулар. Кини хас да кирэдьиити ылбыт уонна улахан сууманы түөкүттэр счеттарыгар ыыппыт.
Хаартыска: Магнитогорск.рф
Түөкүттэр Дьокуускай олохтооҕуттан 8 мөлүйүөнү уордулар. Кини хас да кирэдьиити ылбыт уонна улахан сууманы түөкүттэр счеттарыгар ыыппыт.
Бүгүн миэхэ атын эрэгийиэн нүөмэриттэн эрийдилэр. Нүөмэр хартыыҥкатыгар «Госуслуги» диэн суруктаах, ойуулаах. Арааран кэбиспитим, иккистээн эрийэ сатаабатахтара.
Бу Дьокуускай 53 саастаах олохтооҕор бастаан сибээс оператора эрийэн, «Госуслуги» порталга киирэр коду көрдөөбүт. Ону тоҕо эрэ этэн биэрбитин кэннэ, «Госуслуги» портал киниэхэ сабыллан хаалбыт, кыайан киирбэт буолбут. Онтон түөкүттэр салгыы «Госуслуги» порталтан эрийэбит, эн ааккыттан кирэдьиит ылан эрэллэр, бааҥҥа сайаапка киирдэ» диэн куттаабыттар. «Утары бэйэҥ кирэдьиит ыллаххына эрэ, итинтэн быыһанаҕын» диэн өйүн сүүйэннэр, үс баантан 8 мөлүйүөн солкуобайдаах кирэдьиити ылларбыттар. Бу киһи бачча улахан харчыны түөкүттэргэ бэйэтэ ыыппыт.
ИДьМ пресс-сулууспата иһитиннэрэринэн, соторутааҕыта түөкүттэр бу маннык схеманан 61 саастаах дьахтартан 1,4 мөлүйүөн солкуобайы, 72 саастаах киһиттэн 1,7 мөлүйүөн солкуобайы албыннаан, суйдаан ылбыттар.
Онон сэрэхтээх буолуҥ, атын эрэгийиэн нүөмэрдэрин ылымаҥ, ханнык да тэрилтэттэн эрийдиннэр, итэҕэйимэҥ, куоду этимэҥ, сигэни баттаамаҥ диэн ИДьМ үлэһиттэрэ сэрэтэллэр.
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…