8 тыһыынчаттан тахса ыал «Үйэ оҕолоро» хапытаалынан туһанна  

2025 сыл саҕаланыаҕыттан Ил Дархан Айсен Николаев олохтообут «Үйэ оҕолоро» анал сыаллаах хапытаалынан 8602 ыал туһаммытын туһунан өрөспүүбүлүкэ Үлэ уонна социальнай сайдыы министиэристибэтэ иһитиннэрдэ.

Быйыл от ыйыгар анал сыаллаах хапытаалы 1336 ыал ылла. Хапытаалы туһаныыга ордук тарҕаммыт хайысхалар — дьиэ усулуобуйатын тупсарыы (448 сайаапка) уонна массыына атыылаһыыта (131 сайабылыанньа). 21 ыал «Үйэ оҕолоро» хапытаал үбүн оҕолорун үөрэтиигэ, 8 ыал – оҕо аатыгар баан уурдарыытын арыйарга, 5 ыал – оҕоҕо үрдүк технологиялаах медицинскэй көмөнү оҥорорго уонна эмтэниигэ, 3 ыал – дьиэ кэргэнинэн өрөспүүбүлүкэ устун сынньалаҥҥа, 2 ыал – олорор дьиэни гаастааһыҥҥа, 1 дьиэ кэргэн олоро дьиэтин тупсарыыга туһаммыттар, ол иһигэр тыа хаһаайыстыбатын тиэхиньикэтин атыылаһыы.

Ил Дархан уонна Бырабыыталыстыба пресс-сулууспата иһитиннэрбитинэн, «Үйэ оҕолоро» анал сыаллаах хапытаал суумата 2025 сылга 116 тыһ. 756 солк. Үп-харчы регистрациятын уонна ылыытын механизмнара судургутуллубуттар уонна үп-харчы туһаныллар испииһэгэ кэҥээбит. Анал сыаллаах хапытаал оҕо төрөөбүтүн туһунан иһитиннэриигэ олоҕуран, сайабылыанньата суох, социальнай хааччыйыы уорганыгар сылдьыыта суох, эрдэттэн ананар. Төрөппүттэр Саха сирин олохтоохторуган буолуохтаахтар.

Сиһилии: https://www.sakha.gov.ru/news/9676 сигэнэн киирэн билсиҥ.