80 саастаах дьоҥҥо эбии төлөбүр суумата икки төгүл үрдүөҕэ

Олунньу 1 күнүттэн 80 саастарын туолбут кырдьаҕастар страховой биэнсийэлэригэр эбии ылар бигэргэммит төлөбүрдэрэ үрдүөҕэ.

Холобур, кырдьаҕас тохсунньуга 80 сааһын туолбут буоллаҕына (эбэтэр, 1-кы группалаах инбэлииккэ тахсыбыт киһи) олунньуга страховой биэнсийэтигэр үрдээбит эбии төлөбүрү ылыаҕа. Бу 2013 сыл ахсынньы 28 күнүнээҕи 400 №-дээх федеральнай сокуон ыйыытынан оҥоһуллар.

Биэнсийэҕэ бигэргэммит эбии төлөбүр суумата 2026 сылга — 9584 солкуобай. Оттон олунньуга бу төлөбүр икки төгүл үрдээн, 19 169 солкуобайга тэҥнэһиэҕэ. 

Сокуон ыйарынан, бу маннык эбии төлөбүрү биир эрэ хайысханан биэрэллэр. Холобур, бу киһи урут 1-кы группалаах инбэлиит буоларынан үрдээбит төлөбүрү ыла сылдьыбыт буоллаҕына, 80 сааһын туоллаҕына, бу төлөбүрэ үрдээбэт. Биирдэ эрэ үрдүүр, иккистээн үрдэппэттэр.