В.Андреева хаартыскаҕа түһэриитэ
Хаартыскаҕа түһэрэр камералаах суотабай төлөпүөн үөдүйүөҕүттэн, хас биирдии хардыыбытын хаартыскаҕа түһэрэр идэлэннибит. Ол эрээри дьиҥнээх фотоаппараатынан айылҕа дьиктилэрин, ураты көстүүлэрин, хамсыыр харамайы хаартыскаҕа түһэрэн үйэтитээччи тарбахха баттанар ахсааннаах.
Бу күннэргэ Сунтаар улууһун Киин бибилэтиэкэтин Уустуйатааҕы филиалын бибилэтиэкэрэ В.М. Андреева көтөрдөрү түһэрбит хаартыскаларын сэргии, сөҕө-махтайа көрдүм. Көтөрдөрү хаартыскаҕа түһэрэр манан аҕай дьыала буолбатах ээ. Уһун күнү быһа манаһыаххын наада.
Василиса Андреева бердвотчинг диэн хаартыскаҕа түһэрии ураты көрүҥүнэн үлүһүйэн дьарыктаммыта хаһыс да сылыгар барбыт. Билиҥҥитэ кини кэлиэксийэтигэр көтөр 80-тан тахса көрүҥэ баар. Бу күннэргэ кини виртуальнай быыстапка оҥорон, ааҕааччылар көрүүлэригэр таһаарда. Ол курдук https://ustia.sunlibrary.ru/?p=538 сигэҕэ элиэни, хахханы, тыытыгы, туруйаны уонна да атын көтөрдөрү көрүөххэ сөп.
— Хаартыскаҕа түһэрэрбин уруккуттан сөбүлүүбүн. Бастаан пленочнай аппараакка, онтон кыра цифровой аппараакка оҕолорбун, айылҕаны түһэрэр этим. Бу маннык үлүһүйэн туран айылҕаны, көтөрдөрү түһэрэр буолбутум биэс сыл буолла. Чуолаан көтөрдөрү түһэрэбин. Өрөбүллэргэ, үлэ кэннэ айылҕаҕа анаан-минээн «сир хаама» диэн барабын. Онно-манна айанныырбар аппарааппын мэлдьи илдьэ сылдьабын, эмискэ түбэһэ биэрэн түһэрбит хаартыскаларым элбэхтэр. Биэс сыл тухары барыта 80-тан тахса көтөр бииһин түһэрдим, барыта Сунтаар улууһун иһигэр баар көтөрдөр, — диэн Василиса биһиги саайпытыгар кэпсээтэ.
Виртуальнай быыстапканы бу сигэнэн киирэн көрүҥ https://ustia.sunlibrary.ru/?p=538
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…