Хаартыска: М.Васильева (ЯСИА)
Дьокуускай куорат 82 саастаах олохтооҕо билбэт киһитигэр смс-кодун этэн биэрэн, түөкүттэр «туһахтарыгар» киирэн биэрбит. Бу туһунан ИДьМ сулууспатын «Дьокуускайдааҕы» салаатын пресс-сулууспата иһитиннэрэр.
Дьокуускай олохтооҕор «таһаҕас тиэрдэр сулууспаттан» эрийэн, тугу да быһаарбакка эрэ, смс нөҥүө кэлбит коду этэригэр көрдөспүттэр — эмээхсин тутатына коду этэн биэрбит. Ол кэннэ киниэхэ «Роскомнадзортан» сымыйанан эрийбит эр киһи, дьахтар тус дааннайдара куйаар ситимигэр тахсыбыттар, диэн биллэрбит уонна бу балаһыанньаны «Росфинмониторинг» быһаарсыа диэн эрэннэрбит.
Ол кэннэ дьахтарга «үп-харчы исписэлииһэ» эрийэн, «Госуслуги» аккаунун алдьатан киирбиттэрин уонна билбэт киһи аатыгар дэбиэрэннэс сурук оҥорбуттарын туһунан иһитиннэрбит.
Салгыы сибээскэ «ФСБ үлэһитэ» эрийэн тахсан, дьахтары куттаан, харчыны «террористан» көмүскүүр инниттэн түргэнник дьайарыгар модьуйбут. Ыгыыга-хаайтарыыга киирбит биэнсийэлээх дьахтар 146 тыһ. солк. харчытын ыйыллыбыт счетка ыыппыт. Ол кэннэ түөкүттэр 350 тыһ. солк. кирэдьиити сууматын сабабыт диэн сылтахтанан, өссө эбии харчы көрдөөбүттэр.
Дьолго эмсэҕэлээччи дьахтар кыыһа кэмигэр орооһон, ийэтин түөкүттэр «туһахтарыттан» тахсарыгар көмөлөспүт.
«Ытыктабыллаах саха сирин олохтоохторо, аҕам саастаах аймахтаргытын кытта кэпсэтиҥ! Билбэт дьоҥҥо итэҕэйэр сатамматын туһунан кэпсээҥ», — диэн ИДьМ сулууспатыгар бэлиэтээтилэр.
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…
Аҕа дойдуну көмүскээччилэр күннэригэр диэри биир нэдиэлэттэн эрэ ордук кэм хаалла. Дьокуускайтан байыаннай дьайыы зонатыгар…
Өрөспүүбүлүкэҕэ суукка иһигэр 4 буруйу оҥоруу туһунан иһитиннэрии киирдэ, диэн СӨ дьуһуурунай борокуруора биллэрэр. Дьокуускай…