Хаартыска: СИА
2023 сыл 11 ыйыгар Саха сиригэр барыта 10 188 оҕо төрөөтө. Кинилэр бары Ил Дархан олохтообут «100 сыл оҕолоро» хапытаалы ылаллар.
Айсен Николаев «100 сыл оҕолоро» хапытаал болдьоҕун 5 сылга уһаппыта. Онон дьиэ кэргэн дохуотуттан тутулуга суох, 2022 сыл тохсунньу 1 күнүттэн 2027 сыл ахсынньы 31 күнүгэр диэри төрөөбүт оҕолор бары хапытаалы ылаллар.
Хапытаал сыл аайы индексацияланар. Былырыын 100 тыһыынча солкуобай эбит буоллаҕына, быйыл үрдээн, 105 тыһыынча солкуобайга тэҥнэспитэ.
2023 сыл ахсынньы 4 күнүнээҕи туругунан, «100 сыл оҕолоро» хапытаалы биэрэргэ барыта 19 630 быһаарыы ылыныллыбыт. Балартан 8242 дьиэ кэргэн туһаммыт (664 мөлүйүөн солкуобайдаах суумаҕа).
Саамай элбэхтик олорор усулуобуйаны тупсарыыга (6261 сайабылыанньа), тырааныспары атыылаһыыга (1804 сайабылыанньа) туһаммыттар.
48 дьиэ кэргэн харчыны бааҥҥа оҕо аатыгар укпуттар, 45 — кэтэх хаһаайыстыбаны сайыннарыыга, 40 — оҕо үөрэнэригэр, 28 — оҕоҕо үрдүк технологиялаах көмөнү оҥорорго, 16 — дойду иһигэр дьиэ кэргэнинэн сынньанарга.
2023 сылтан саҕалаан, хапытаалы туһаныы хайысхата кэҥээбитэ — чааһынай дьиэни гаастааһыҥҥа туһаныахха сөп буолбута. Онон хапытаал харчытын гаас тэрилин атыылаһарга уонна гааһы киллэрии ороскуотугар ыытыахха сөп.
Ил Дархан, бырабыыталыстыба дьаһалтатын пресс-сулууспата.
Саҥа дьыллааҕы түүн биэс уол уонна үс кыыс күн сирин көрдүлэр. Бу туһунан өрөспүүбүлүкэ Ил…
Тохсунньу 1 күнүгэр өрөспүүбүлүкэ саамай кырдьаҕас олохтооҕун Татьяна Сафонованы 105 сааһын туолбутунан эҕэрдэлээтилэр. Киниэхэ дойду…
Саҥа дьыл бырааһынньыгын иннинэ Саха сириттэн сылдьар байыаннай дьайыв байыастапа өрөспүүбүлүкэттэн Саҥа дьыллааҕы бэлэхтэри туттулар.…
Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…
Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…