Мария Васильева хаартыската, ЯСИА.
Кулун тутар 6 күнүгэр Дьокуускай куорат суута Өрөспүүбүлүкэтээҕи мэдиссиинэ реабилитациятын уонна успуорка мэдиссиинэтин киинин аһынан-үөлүнэн хааччыйбыт урбаанньыт холуобунай дьыалатын көрдө. Суут санитарнай- эпидемиологическай ирдэбиллэри кэһии дьыалатын силиэстийэлээтэ.
Бэрэбиэркэ ыытыы төрүөтүнэн Роспотребнадзор управлениетыгар бу сыл олунньу 28 күнүгэр уонна кулун тутар 1 күнүгэр 83 суһал иһитиннэриилэр киирбиттэрэ буолар. 24 түбэлтэҕэ оҕолорго барылаан диагноз туруоруллубут — биллибэт этиологиялаах оһоҕос инфекцията.
Санитарнай-эпидемиологическай чинчийии кэмигэр урбаанньыт ас астыыр сиригэр элбэх кэһиилэр тахсыбыттара бэлиэтэммит. Ол иһигэр ас астыыр эбийиэк дьиэ былааннааһынын уонна тэхиниичэскэй хааччыйыытын ирдэбиллэригэр сөп түбэспэт, наадалаах оборудованиета тиийбэт, эбийиэк санитарнай-тэхиниичэскэй туруга быстар мөлтөҕө быһаарыллыбыт.
Ону таһынан, үлэһиттэр булгуччулаах мэдиссиинэ көрүүтүн, вакцинацияны уонна гигиеническэй үөрэҕи ааспатахтара биллибит. Ону тэҥэ бородууктаны тутуу, харайыы, ас буһарыы технологияларыгар кэһиилэр тахсыбыттара бэлиэтэммиттэр. Бу төрүөттэр ас-үөл нөҥүө инфекциялары тарҕатар кутталы үөскэппиттэр.
Суут урбаанньыты административнай ыстатыйанан буруйдааҕынан билиннэ уонна аһы-үөлү оҥорууну 90 сууккаҕа тохтоторго уураах таһаарда.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…