8300 кэриҥэ выпускник биир кэлим эксээмэни туттарыаҕа
04.04.2025, 15:06
Хаартыска: СИА
Бөлөххө киир:
Саха сиригэр биир кэлим эксээмэҥҥэ бэлэмнэнии салҕанар. Билиҥҥитэ БКЭ-ҕэ 8 390 кыттааччы регистрацияламмыт.Бу туһунан «Тэтим» араадьыйаҕа быһа эпиир кэмигэр үөрэх уонна билим миниистирин солбуйааччы Степан Степанов иһитиннэрдэ.
Кини кэпсээбитинэн, эксээмэни туттарыыга анаан 229 пууну үлэлэтиэхтэрэ.
«Бары эбийиэктэр куттал суох буолуутун хааччыйыыга ураты хонтуруолга тутуллаллар. Билиҥҥитэ ордук кутталы муус барыыта, халаан, баһаардар үөскэтэллэр. Инньэ гынан, биһиги бу маны барытын учуоттаан, саппаас эбийиэктэри бэлэмнээтибит», – диэн Степан Степанов бэлиэтээтэ.
2025 сыллааҕы БКЭ араспысаанньата бигэргэммитэ. Судаарыстыбаннай түмүктүүр аттестация сүрүн түһүмэҕэ ыам ыйын 23 — от ыйын 4 күннэригэр ыытыллыахтара.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: