Хаартыска: PxHere
Балашихаҕа Москва уобалаһын онкологическай диспансерыгар синньигэс оһоҕоһугар улахан саркома диагностаах 85 саастаах дьахтар киирбит. Иһэ олус улаатан, оттон ыарыыта күннээҕи олоҕор мэһэйдиир буолан үрүҥ халааттаах аанньалларга тиийбит.
Ыарыһаҕы кытта кэпсэтии түмүгэр, быраастар кэмиттэн-кэмигэр ыарыы баарын биллэрбитэ икки сыл буолбутун чопчулаабыттар. Бу кэм устата кини бэйэтэ билэринэн ыарыытын мүлүрүтэр эмтэри иһэ сылдьыбыт эбит.
— Биһиэхэ киирэригэр искэн 40 см диаметрдаах этэ, ыарыһаҕы быыһаары тута эпэрээссийэлээн, искэнин ылан бырахтыбыт. Эпэрээссийэ этэҥҥэ ааста, дьахтар салгыы химиотерапияны ааһара ирдэнэр, — диэн 4-с нүөмэрдээх онкогинекология салаатын сэбиэдиссэйэ Ирина Карьгина кэпсиир. Бу туһунан дойду Доруобуйа харыстабылын министиэристибэтин саайтыгар суруйаллар.
Туоххут да ыалдьыбат да буоллаҕына, сыллата ыарыыны эрдэттэн сэрэтэр инниттэн быраастарга сылдьаргытын умнумаҥ диэн өссө биирдэ тоһоҕолоон этэллэр. Оттон дьарҕарбыт, олохсуйбут ыарыылаах буоллаххытына бырааска көрдөрүнүөхтээх кэмҥитин куоттарымаҥ диэн сүбэлииллэр. Ыарыы эрдэ булулуннаҕына судургутук эмтэниллэрин санаталлар.
Олохтоох бириэмэнэн оруобуна 20:00 ч. өрөспүүбүлүкэ бары 293 быыбардыыр учаастага сабылынна диэн СӨ Киин быыбардыыр…
Бүгүн Муома оройуонугар улахан суолталаах быыбар буолан ааста диэн "Биир ньыгыл Арассыыйа" бэлитиичэскэй баартыйа Саха…
Быыбар күнүн бастакы түмүктэрин хотугулуу-илиҥҥи улуустар биэрэллэр. Муома улууһун Соболоох нэһилиэгин баһылыгын быыбарыгар барыллаан ааҕыынан,…
Александра Григорьева-Сандаарыйа «Күн тахсыыта» диэн ааттаан саҥа кинигэни бэлэмнээбитин умсугуйан туран аахтым, уһуну-киэҥи толкуйдаатым, уруккуну-хойуккуну…
Бүгүн, балаҕан ыйын 14 күнүгэр, Дьокуускай куорат күнүгэр, Аҕа дойду Улуу сэриитин кыттыылааҕа, Дьокуускай куорат…
Бу киэһэ 18:00 ч дааннайынан, быыбардааччылар 38,99% куоластаата. Улуус баһылыктарын быыбарыгар: Өлөөн оройуона – 60,26%,…