Хаартыска sakha.gov.ru ылылынна
Психологтар байыастарга уонна кинилэр дьиэ кэргэттэригэр нэдиэлэ устатыгар 750 сүбэни-аманы биэрдилэр
Бу туһунан СӨ психологическай киинин дириэктэрэ Владимир Скрябин иһитиннэрэр. Кини Доннааҕы Ростовка байыаннай госпиталга психологтар мобильнай биригээдэлэрэ үлэлиирин этэр.
«Психологтары кытары байыастар кэтэмэҕэйдээбэккэ аһаҕастык кэпсэтэллэр. Маннык үлэ ыытылларыгар дойдулаахтарбыт эрэ буолбакка, атын эрэгийиэннэр байыастара кытары махтаналлар«, — диэн бэлиэтиир.
Саха сиригэр, кини эппитинэн, байыастар дьоннорун кытары нэдиэлэ устатыгар ордук элбэх үлэ Алдан, Бүлүү, Ньурба, Уус Алдан улуустарыгар уонна сүрүн кииҥҥэ ыытыллыбыт. Дьааҥыга бөлөх тиийэн нэһилиэктэри хабан үлэлээбит. Ону сэргэ, госпиталларга үлэлээбит киин филиалларын психологтара, байыастары уонна кинилэр дьиэ кэргэттэрин кытары тэйиччиттэн олорон үлэлэрин салгыыллар.
«Уоппускаҕа кэлбит байыастары кытары үлэ эмиэ ыытыллар. Маныаха психологтар үлэлэһэллэригэр байыастар бэйэлэрэ сөбүлэһиэхтээхтэр. Ол эрээри, арыт, психологтары кытары сибээстэспэттэр, ыйыппаттар, сүбэ-ама көрдөөбөттөр. Оннук түгэҥҥэ биһиги дьиэ кэргэттэрин эбэтэр нэһилиэктэр, улуустар дьаһалталарын кытары үлэлэһиэхпитин сөп, байыаска өйөбүлү, көмөнү оҥороллорун курдук«, — диир Владимир Скрябин.
Өрөспүүбүлүкэтээҕи психологическай киин дириэктэрэ байыастары уонна кинилэр чугас дьоннорун кытары үлэ босхо ыытылларын этэр.
«Байыастарга уонна кинилэр дьиэ кэргэттэригэр, чугас дьонноругар психологическай өйөбүлү оҥоруу Ил Дархан Айсен Николаев сорудаҕынан, эрэгийиэн Бырабыыталыстыбатын бэрэссэдээтэлин солбуйааччы Ольга Балабкина тус сүрүннээһининэн, кэлим сүрүннүүр киини уонна нэһилиэнньэ доруобуйатын харыстабылын тэрилтэлэрин кытары ыкса сибээстээх ыытыллар«, — диэн бэлиэтиир Владимир Скрябин.
Сиһилии https://www.sakha.gov.ru/news/front/view/id/3381328 көрүҥ.
СӨ Ил Дарханын уонна Бырабыыталыстыбатын пресс-сулууспата
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…