9 омук гражданинын сымыйанан учуокка туруорбут дьахтар ыстарааптанна

Дьокуускай куорат 1985 с.т. олохтооҕо бу сыл олунньу 11 күнүттэн сэтинньи 3 күнүгэр диэри кэмҥэ, материальнай барыһы эбинэр сыаллаах, омук дьонугар олорор дьиэтин биэрэр санаата суох, бас билэр дьиэтигэр Кыргызстан 9 омук гражданинын сокуону кэһэн учуокка туруорбут.

Суут бириигэбэринэн, дьахтар РФ Холуобунай кКодексатын 322.3 ыстатыйатынан («Омук гражданинын эбэтэр гражданствота суох киһини сымыйанан учуокка туруоруу») буруйдааҕынан билинилиннэ, киниэхэ 50 000 солкуобай кээмэйдээх ыстараап ананна.

Сууттанааччы ыстараап бастакы чааһын, 10 000 солкуобайы, суут бириигэбэрэ сокуоннай күүһүгэр киирбит күнүттэн 60 хонук иһигэр төлүөхтээх. Ыстараап хаалбыт 40 000 солкуобайын аныгыскы 8 ый устата ый аайы 5 000 солкуобайынан хас биирдии кэлэр ый бүтэһик күнүттэн хойутаппакка төлүүргэ эбээһинэстэннэ.

Накаастабыл көрүҥүн уонна кээмэйин быһаарарыгар суут буруй уопсастыбаҕа кутталын уратытын уонна таһымын, сууттанааччы киһи быһыытынан дааннайдарын, накаастабылы чэпчэтэр быһыылары-майгылары учуоттаата. Суут бириигэбэрэ сокуоннай күүһүгэр киирэ илик, диэн СӨ Сууттарын холбоһуктаах пресс-сулууспата суруйар.